આગાહી / ગુજરાતમાં હવામાન વિભાગની ભારે વરસાદની આગાહી, જાણી લો તમારા જિલ્લામાં ક્યારે પડશે વરસાદ

• રાજ્યમાં સારા વરસાદની આગાહી
• 7થી 9 સપ્ટેમ્બર પડશે સારો વરસાદ
• 6  સપ્ટેમ્બર સુધી સમાન્ય વરસાદ પડશે

ગુજરાતમાં વરસાદની લઈને સારા સમાચાર આવ્યા છે, આગામી બે દિવસમાં રાજ્યમાં સારા વરસાદની શક્યતાઓ સેવાઈ રહી છે, રાજ્યના હવામાન વિભાગે બે દિવસ બાદ રાજ્યમાં સાર્વત્રિક વરસાદની આગાહી કરી છે એટલું જ નહીં 7 સપ્ટેમ્બરે ગાજવીજ સાથે વરસાદની સંભાવનાઓ વ્યક્ત કરી છે. 

રાજ્યમાં સારા વરસાદની આગાહી

હવામાન વિભાગના જણાવ્ય મુજબ રાજ્યના મોટા ભાગના જિલ્લાઓમાં સારો વરસાદ પડી શકે છે જેમાં 7 સપ્ટેમ્બરે તાપી,સુરત,આહવા, વલસાડ,નવસારી, ભાવનગર,દીવ, જામનગર, ગીર સોમનાથ અને ડાંગ સહિતના પથંકમાં ભારે વરસાદ પડી શકે છે. જ્યારે 8 સપ્ટેમ્બરે અમદાવાદ, ગાંધીનગર, વડોદરા, નડિયાદ, ખેડા, મહેસાણા, પાટણ, અરવલ્લીમાં સારા વરસાદની આગાહી કરવામાં આવી છે. મહત્વનું છે કે અનેક જિલ્લામાં સારો વરસાદ પડી રહ્યો છે ત્યારે ખેડૂતો પણ પાકને લઈ ચિંતા મુક્ત બન્યા છે, 
 

7 થી 9 સપ્ટેમ્બર પડશે સારો વરસાદ

ગુજરાતમાં વરસાદ ન પડવાની અનેક ડેમમાં પાણીના સ્તર નીચે ગયા હતા રાજ્યમાં અનેક ડેમોની સ્થિતિ તરયાઝાટક જોવા મળી રહી હતી ત્યારે ફરી મેઘરાજાએ મહેરબાન થતા અનેક ડેમોમાં નવા નીર આવ્યા છે, ખેડૂતોને પણ પાક માટે સિંચાઈનું પાણી મળ્યુંછે. હજુ પણ ગુજરાતમાં સારા વરસાદની આગાહી કરવામાં આવી રહી છે ત્યારે હવામાન વિભાગે આગામી કેટલાક દિવસોમાં ભારેથી અતિભારે વરસાદની આગાહી કરી છે, હવામાન વિભાગે 9 સપ્ટેમ્બરે રાજકોટ, મોરબી, દ્રારકા,ગીર સોમનાથ, અમદાવાદ,વડોદરા, ગાંધીનગર તેમજ મહેસાણા, પાટણ અને સાંબરકાઠામાં સારા વરસાદની આગાહી કરી છે. 

7 સપ્ટેમ્બર ફરી સારો વરસાદ થવાની સંભાવના 

મહત્વનું છે કે હવામાન વિભાગે પણ વરસાદને લઈ આગાહી કરવામાં આવી છે કે સપ્ટેમ્બર મહિનામાં સારો વરસાદ રહેશે. હજુ 7 સપ્ટેમ્બર ફરી સારો વરસાદ થવાની સંભાવના હવામાન વિભાગ દ્વારા વ્યક્ત કરાઈ છે. જ્યારે આગામી 3 દિવસ સુધી દક્ષિણ ગુજરાતમાં ભારે વરસાદ આવશે તેવું પણ જણાવાઈ રહ્યું છે.