પથારી ફરી / રંગીલા રાજકોટને વરસાદે રગદોળ્યું, જનતાએ નેતાઓને માર્યો ટોણો, કહ્યું ચૂંટણી ટાણે નહીં અત્યારે આશીર્વાદ લેવા આવો

• રાજકોટના રંગમાં વરસાદે પાડ્યો ભંગ
• પ્રિમોન્સૂન પ્લાનનો થયો ફિયાસ્કો
• ક્યાં છે સેવકો? એવી સંભળાય જનવાણી

અમદાવાદ બાદ રાજકોટ શહેરમાં પણ પ્રિમોન્સૂન પ્લાનનો ફિયાસ્કો થયો છે.  ગઈકાલ રાત્રીથી શરૂ થયેલો વરસાદ આજે બપોર સુધી અવિરત વરસતો રહ્યો.  સતત વરસી રહેલા વરસાદે ઘણી તારાજી સર્જી છે. શહેરમાં રસ્તાઓ પર નદીઓ વહેતી દેખાઈ રહી છે. ઘણી જગ્યાએ વાહનો ફસાઈ ગયાં છે. તો કેટલાક વિસ્તારોમાં ઘરોમાં પાણી ઘૂસી ગયાં છે. ઘર હોય કે રસ્તા, લોકોને ભારે હાલાકીનો સામનો કરવો પડી રહ્યો છે. આ બધા વચ્ચે જનતા પૂછી રહી છે કે નેતાઓ જનતાના આશીર્વાદ લેવા ક્યારે આવશે? 

વહીવટીતંત્ર પાણીના નિકાલ માટેની તાત્કાલિક વ્યવસ્થા કરે: રહીશો
અમદાવાદ બાદ રાજકોટ શહેરમાં પણ પ્રિમોન્સૂન પ્લાનનો ફિયાસ્કો થયો છે. રાજકોટમાં ધોધમાર વરસાદ પડતા જળબંબાકાર થયો છે. શહેરમાં અનેક વિસ્તારમાં ઠેર ઠેર પાણી ભરાતા પૂર જેવી સ્થિતિ ઊભી થઈ છે. અનેક જગ્યાએ પાણી ભરાતા વાહનો તણાવાના દ્રશ્યો સામે આવ્યા છે. શહેરના મવડી વિસ્તારમાં પાણીમાં 2 કાર તણાતી નજરે પડી રહી છે. વરસાદને કારણે અને સોસાયટીમાં ભરાયા પાણી ભરાયા છે. આ દ્રશ્યો ગાયત્રીધામ સોસાયટીના છે.  જેમાં ઘરમાં ઘૂંટણ સુધી પાણી ભરાતા રહીશોને મુશ્કેલીનો સામનો કરવો પડ્યો હતો.  રહીશોની માગ હતી કે વહીવટીતંત્ર પાણીના નિકાલ માટેની તાત્કાલિક વ્યવસ્થા કરે

3 વર્ષમાં બે વખત તૂટયો પુલ 
રાજકોટમાં ગઈકાલ રાત્રીથી શરૂ થયેલો વરસાદ આજે બપોર સુધી અવિરત વરસતો રહ્યો.  સતત વરસી રહેલા વરસાદે ઘણી તારાજી સર્જી છે. શહેરમાં રસ્તાઓ પર નદીઓ વહેતી દેખાઈ રહી છે. ઘણી જગ્યાએ વાહનો ફસાઈ ગયાં છે. તો કેટલાક વિસ્તારોમાં ઘરોમાં પાણી ઘૂસી ગયાં છે. ઘર હોય કે રસ્તા, લોકોને ભારે હાલાકીનો સામનો કરવો પડી રહ્યો છે.  ટીવી સ્ક્રીન પરના આ દ્રશ્યો રાજકોટના માંડા પુલ તૂટવાના કારણે લોકો ભારે ભારે મુશ્કેલીમાં મૂકાયા છે. 3 વર્ષમાં બે વખત પુલ તૂટતા અનેક સવાલો ઊઠ્યા છે. આજીડેમ પાસે આવેલા માંડાડુંગર વિસ્તારમાં  VTVની ટીમ પહોંચી ત્યારે લોકોએ કંઈક આ રીતે પોતાની વ્યથા ઠાલવી

નીચાણવાળા વિસ્તારોમાં પાણી પાણી
તો આ તરફ ભારે વરસાદથી  ઠેક ઠેકાણે તબાહીના દ્રશ્યો સામે આવ્યા છે. આ દ્રશ્યો ઘાંચીવાડ વિસ્તારના છે. જ્યાં જિલ્લા ગાર્ડન પાસેની દીવાલ ધરાશાયી થઇ જતાં દીવાલ નીચે ચાર બાળકો દટાઈ ગયા હતા.ઘાયલ થયેલા તમામ બાળકોને સારવાર માટે હોસ્પિટલ ખસેડવામાં આવ્યા હતા.  જો કે, સ્થાનિક લોકોએ એવો આક્ષેપ કર્યો હતો કે, લોકો પર આવેલી આફત સમયે જનતાના સ્થાનિક સેવકો ક્યાંય દેખાતા નથી. રાજકોટ શહેરમાં મેઘરાજા કંઈક વધારે પડતાં  મહેરબાન થતાં નીચાણવાળા વિસ્તારોમાં લોકો ભારે હાલાકીમા મૂકાઈ ગયા હતા.  શહેરના હેમુ ગઢવી ચોકમાં પાણી ભરાતાં અહીંથી પસાર થતાં લોકોને ભારે મુશ્કલી પડી હતી.  પાણી ભરાવાના કારણે ઠેર ઠેર ટ્રાફિકજામ પણ થઈ ગયો હતો.ભારે વરસાદ બાદ રાજકોટના આઝાદચોક વિસ્તારમાં પણ જળબંબાકારના દ્રશ્યો જોવા મળ્યા હતા. રોડ પણ પાણી નદીઓની જેમ વહેતા થયા હતા. 

રાહત રસોડા તૈયાર રાખવાની સૂચના 
જો કે, રાજકોટમાં વરસાદી આફત વચ્ચે પિસાતી જનતાને રાહત મળે તેવા દ્રશ્યો પણ જોવા મળ્યા. આઝાદ ચોક  વિસ્તારમાં પાણી ભરાયેલા વિસ્તારમાં શહેર ભાજપ પ્રમુખ પહોંચ્યા હતા. સ્થાનિકો માટે રાજકોટ શહેર ભાજપ પ્રમુખે  કોર્પોરેટરો અને કાર્યકરોને પ્રભાવિત વિસ્તારોમાં રાહત રસોડા તૈયાર રાખવાની સૂચના આપી હતી. આમ, રાજકોટ હોય કે અમદાવાદ બધે આભ ફાટ્યુ છે ત્યારે થિંગડુ મારવા ન જવાય તે વાત સાચી  છે. પરંતુ  આવી પડેલી આફતમાં જ્યારે જનતા પોતાના પ્રતિનિધિઓ અને સેવકોને  યાદ કરી રહી છે ત્યારે નેતાઓએ પણ જનતાની સેવા કરી તેમના આશીર્વાદ લેવાની તક જતી ન કરવી જોઈએ