આગાહી / ગુજરાત, મુંબઈ અને દિલ્હીમાં આજે ભારે વરસાદની આગાહી, અમિત શાહે આ સ્થિતિને પહોંચી વળવા કરી બેઠક

• શાહે પૂરની સ્થિતિને પહોંચી વળવા એક બેઠક કરી
• આસામના 22 જિલ્લામાં પૂર, વડા પ્રધાન દ્વારા મૃતકોના પરિવાર માટે બે લાખ રાહતની જાહેરાત
• રે 4 જુલાઇએ દિલ્હીમાં સારો વરસાદ થવાની સંભાવના છે

હવામાન વિભાગે જણાવ્યું હતું કે પંજાબ, હરિયાણા અને દિલ્હીમાં ગાજવીજ સાથે વરસાદ અને ભારે પવનની સંભાવના છે. ત્યારે અરબી સમુદ્ર, મહારાષ્ટ્રના દરિયાકાંઠાના ક્ષેત્ર અને બંગાળની ખાડીમાં પણ પવન ફૂંકાશે. હવામાન વિભાગે આ વિસ્તારોમાં માછીમારોને દરિયામાં સાહસ ન કરવા સલાહ આપી છે. આ સાથે જ મુંબઈ અને મહારાષ્ટ્રના અન્ય ભાગોમાં શુક્રવારે ભારે વરસાદ પડ્યો હતો. હવામાન વિભાગે શનિવારે પણ મહાનગરના અન્ય ભાગોમાં ભારેથી અતિ ભારે વરસાદની આગાહી કરી છે. ત્યારે શુક્રવારે બિહારમાં વીજળી પડવાથી આઠ લોકોનાં મોત નીપજ્યાં હતાં. આ પહેલા ગુરુવારે વીજળી પડવાના કારણે 26 લોકોએ જીવ ગુમાવ્યો હતો.

આસામના 22 જિલ્લામાં પૂર, વડા પ્રધાન દ્વારા મૃતકોના પરિવાર માટે બે લાખ રાહતની જાહેરાત

આસામના ડિઝાસ્ટર મેનેજમેન્ટ વિભાગે કહ્યું છે કે રાજ્યના 22 જિલ્લાના 16 લાખથી વધુ લોકો પૂરથી પ્રભાવિત છે. રાજ્યમાં પૂરને કારણે અત્યાર સુધીમાં 34 લોકોનાં મોત નીપજ્યાં છે. જ્યારે 163 રાહત શિબિરોમાં 12,597 લોકો દાખલ થયા છે. સ્થાનિક લોકોની ફરિયાદ છે કે સરકાર તરફથી કોઈ તેમના વિસ્તારની સમીક્ષા કરવામાં આવી  નથી. 

સૌથી વધુ અસરગ્રસ્ત જિલ્લાઓ ધેમાજી, લખીમપુર, બિસ્વનાથ, દરાંગ, નલબાડી, બારપેટા વગેરે છે. ઘણા જિલ્લાઓમાં અવિરત વરસાદથી લોકોને અસર થઈ છે. દરમિયાન વડાપ્રધાન નરેન્દ્ર મોદીએ શુક્રવારે આસામના મુખ્ય પ્રધાન સર્વાનંદ સોનોવાલ સાથે ફોન પર રાજ્યની પૂરની પરિસ્થિતિ અંગે ચર્ચા કરી હતી. મોદીએ પૂરના કારણે મૃત્યુ પામેલા લોકોના પરિવારને વડા પ્રધાનના રાષ્ટ્રીય રાહત ભંડોળમાંથી બે લાખ રૂપિયા આપવાની જાહેરાત કરી હતી.

શાહે પૂરની સ્થિતિને પહોંચી વળવા એક બેઠક કરી

કેન્દ્રીય ગૃહ પ્રધાન અમિત શાહે શુક્રવારે ચોમાસા અને પૂરની પરિસ્થિતિ સાથે કામ કરવા માટેની તૈયારીઓની સમીક્ષા કરી હતી. ત્યારે તેમણે અધિકારીઓને નિર્દેશ આપ્યો કે જીવન અને સંપત્તિના નુકસાનને ઘટાડવા માટે એક સુઆયોજિત યોજના બનાવો. અધિકારીઓએ કહ્યું કે શાહે ઉત્તર પ્રદેશ, બિહાર અને ઉત્તરપૂર્વ રાજ્યોમાં પૂરના કાયમી સમાધાન માટે પ્રમુખતાથી કામ કરવા કહ્યું છે.