વલસાડ જિલ્લામાં ફરી એકવાર વરસાદી માહોલ સર્જાયો છે. જિલ્લાના અંતરિયાળ અને કપરાડા તાલુકાના છેવાડાના વિસ્તારમાં સાંજના સમયે તોફાની પવન સાથે વરસાદ તૂટી પડ્યો હતો.
ભારે પવનના કારણે અનેક વૃક્ષો પણ ધરાશાયી થઈ ગયા હતા. તો ડાંગરના પાકને પણ નુકસાન પહોંચ્યું હતું. જેના કારણે ખેડૂતો પણ ચિંતામાં મુકાયા છે. છેલ્લા બે દિવસથી વરસાદી વાતાવરણના કારણે કેટલાક સ્થળોએ વૃક્ષો ધરાશાયી થયા હતા.
મહત્વનું છે કે હવામાન વિભાગે પણ અરબી સમુદ્રમાં સિસ્ટમ સર્જાઈ હોવાની અને તે સિસ્ટમ વાવાઝોડામાં પરિવર્તિત થવાની શક્યતા વ્યક્ત કરી હતી..