દક્ષિણ ગુજરાતમાં મેઘરાજાની દે ધનાધન ગ્રામજનો હોડીમાં કરે છે આવનજાવન

સુરત: દક્ષિણ ગુજરાતમાં મેઘરાજાએ દે ધનાધન બોલાવી છે. દક્ષિણ ગુજરાતમાં અવિરત પડી રહેલા વરસાદમાં નવસારીના વાંસદામાં સૌથી વધુ વરસાદ ખાબક્યો છે. જેમાં નવસારીના વાંસદા 10 ગણદેવીમાં 6 ચીખલીમાં 5 ખેરગામમાં 4 ઈંચ વરસાદ પડ્યો છે. જ્યારે ડાંગના વઘઈમાં 8 સુબિર અને આહવામાં 3 ઈંચ વરસાદ વરસાદ નોંધાયો છે. 

વાંસદા તાલુકાના જૂજ ગામે આવેલા જૂજ ડેમ વાંસદા તાલુકામાં વધુ વરસાદ પડવાથી તેની ઓ‌વરફલો સપાટી 167.50 મીટરથી ઓવરફલો થયો હતો. જ્યારે કેલીયા ગામે આવેલા કેલીયા ડેમ ઓ‌વરફલોની સપાટી 112.20 મીટરથી ઓ‌વરફલો થયો હતો. આ બંને ડેમ ઓ‌વરફલો થતા તાલુકાના ખેડૂતોમાં આનંદની લાગણી ફેલાઈ ગઈ હતી. જ્યારે ડેમમાંથી પસાર થતી નદીમાં પાણીનું લેવલ વધી જતા નદીકિનારે આવેલા નિચાણવાળા ગામોમાં અનેક સ્થળે પાણી ભરાઈ જતા લોકોમાં હાલાકી પડી રહી હતી. 

નવસારીને ધમરોળી નાખ્યું છે. વાત કરીએ ઘોલ ગામની. ઘોલ ગામ હજુ પણ સંપર્ક વિહોણું છે. છેલ્લા 12 દિવસથી ઘોલ ગામ સંપર્ક વિહોણું છે. ગામમાં જવા માટેનો એકમાત્ર રસ્તો હોવાથી ગ્રામજનો હોડી મારફતે આવનજાવન કરી રહ્યા છે. ધારાસભ્યએ ઘોલ ગામની મુલાકાત લીધી હતી. રસ્તા પર ભારે વરસાદના પગલે અંબિકા નદીના પાણી ફરી વળ્યા હતા.. ઘોલ ગામ 2 હજાર જેટલી વસ્તી ધરાવે છે.. 

વલસાડ જિલ્લામાં કપરાડામાં 3 ઈંચ વરસાદ નોંધાયો છે. જોકે ઓરંગા નદીના ઉપવાસમાં ભારે વરસાદના પગલે પૂરની સ્થિતિ છે. જેથી નીચાણવાળા વિસ્તારોમાં પાણી ભરાઈ ગયા છે. જ્યારે તાપી જિલ્લાના ડોલવણમાં પાંચ ઇંચ વરસાદ નોંધાયો છે. અને સુરત જિલ્લામાં સામાન્ય વરસાદ નોંધાયો છે.