મેઘમહેર / વડોદરા- રાજકોટ બાદ આજે સુરતમાં મેઘરાજાની ધમાકેદાર બેટીંગ, હજુ બે દિવસ રાજ્યમાં ભારે વરસાદની આગાહી

રાજ્યમાં આજે વહેલી સવારથી વરસાદ વરસી રહ્યો છે. રાજ્યના 84 તાલુકાઓમાં આજે વરસાદ નોંધાયો છે. જેમાં સૌથી વધુ સુરતના ઓલપાડ વિસ્તારમાં વરસાદ નોંધાયો છે. ઓલપાડ વિસ્તારમાં 11 ઈંચ વરસાદ નોંધાયો છે. સુરતમાં સરેરાશ સવા 4 ઈંચ વરસાદદ નોંધાયો છે. જ્યારે ઉમરપાડામાં 6 ઈંચ વરસાદ થતા અનેક વિસ્તારોમાં પાણી ભરાયા હતા. વાપી અને કામરેજમાં સાડા ત્રણ ઈંચ, કપરાડામાં સવા 3 ઈંચ, કપડવંજ અને ધરમપુરમાં પોણા 3 ઈંચ વરસાદ, મહુવા અને માંડવીમાં અઢી ઈંચ વરસાદ થતા અનેક વિસ્તારોમાં પાણી ભરાયા છે.

રાજ્યમાં વડોદરા, રાજકોટ, સુરત, નવસારી, વલસાડ, મહેસાણા, ભાવનગર, સુરેન્દ્રનગર સહિતના અનેક જિલ્લામાં વરસાદ વરસ્યો હતો. જેમાં વડોદરામાં 14 કલાકમાં 20 ઈંચ વરસાદ ખાબકતાં જનજીવન અસ્ત-વ્યસ્ત થઇ ગયું હતું. જે હવે રાબેતા મુજબ ચાલુ થયુ છે. જ્યારે નવસારીમાં કેલિયા ડેમની સપાટી વધી હતી જેના લીધે આસપાસના ગામના લોકોને એલર્ટ કરવામાં આવ્યા હતા. વડોદરામાં બુધવારે ધમાકેદાર બેટિંગ કર્યા બાદ મેઘરાજાએ ગઇકાલે રાજકોટમાં બેટિંગ કરી હતી. શહેરમાં 8 કલાકમાં 8 ઈંચ જેટલો વરસાદ વરસ્યો હતો. જ્યારે છેલ્લા 5 કલાકમાં 6 ઈંચ વરસાદ વરસ્યો છે. જેને લઇને અનેક વિસ્તારમાં પાણી ભરાયા છે.

નવસારીના 24 ગામ એલર્ટ:

ડાંગ જિલ્લાના કેચમેન્ટ વિસ્તારમાં પડેલા વરસાદના કારણે નવસારીના ગણદેવી તાલુકામાંથી પસાર થતી અંબિકા નદી ભયજનક સપાટીએ પહોંચવાની તૈયારીએ છે. અંબિકા નદી હાલ 21 ફૂટની સપાટીએ પહોંચી છે. જ્યારે તેની ભયજનક સપાટી 28 ફૂટ છે. ત્યારે સતત વરસાદને કારણે અંબિકા નદીમાં પાણીની આવક થઇ રહી છે. જેને લઇ વહીવટી તંત્રએ 24 જેટલા ગામોને એલર્ટ કરી દેવાયા છે.

ઉપરવાસના વરસાદની અસર ખાસકરીને નવસારી જિલ્લામાં વધુ થતી હોય છે અંબિકા કાવેરી નદી અને ત્યારબાદ વેગણિયા ખાડી જે ગણદેવી શહેર માંથી પસાર થાય છે એનો પણ લોવર લેવલ બ્રિજ ડૂબી જતાં ૬૦ જેટલા પરિવારોના 200 લોકોનો સંપર્ક તૂટી ગયો છે. બ્રિજ પરથી વાહન ચાલકો કે લોકોની અવાર જવર ના થાય તે માટે સુરક્ષકર્મીઓને બંદોબસ્તમાં મુકવામાં આવ્યા છે વાહન ચાલકો એ સ્ટેટ હાઇવેનો ઉપયોગ કરીને બીલીમોરા ગણદેવી અને નવસારી આવવા લોકોએ લાબું અંતર કાપવું પડ્યું છે.

વલસાડ જિલ્લામાં ભારે વરસાદ:

વલસાડ જિલ્લામાં છેલ્લા એક અઠવાડિયાથી વરસાદની હેલી જામી છે. આજે પણ જિલ્લામાં વરસાદની હેલી યથાવત રહી છે. જિલ્લાના ઉપરવાસના કપરાડા અને ધરમપુર તાલુકામાં ભારે વરસાદને કારણે જિલ્લાના તમામ નદી-નાળાઓ બે કાંઠે વહી રહ્યા છે. અંતરિયાળ કપરાડા અને ધરમપુરમાં ભારે વરસાદના કારણે કેટલાક વિસ્તારોમાં લેવલ કોઝવે અને નાના પુલ પર પાણી ફરી વળ્યા છે. જેને કારણે કેટલાક ગામોનો રોડમાર્ગે સંપર્ક કપાયો છે. જો કે જિલ્લાની જીવાદોરી સમાન મધુબન ડેમના ઉપરવાસમાં ભારે વરસાદને કારણે ડેમમાં પાણીની સતત પુષ્કળ આવક થઈ રહી છે. મધુબન ડેમમાં અત્યારે 1 લાખ 50 હજાર 265 ક્યુસેક પાણીની આવક થઈ  છે. જેને કારણે ડેમની સપાટી 73.45 મીટર પહોંચી છે. જેથી  ડેમનું રૂલ લેવલ મેઈન્ટેન કરવા માટે ડેમના 8 દરવાજા 3.70 મીટર ખોલી દેવામાં આવ્યા છે. જેમાંથી દમણગંગા નદીમાં 1 લાખ 16, 940 ક્યુસેક  પાણી છોડાઈ રહ્યું છે.

વડોદરામાં વિરામ બાદ ફરી વરસાદ શરૂ:

વડોદરામાં વિરામ બાદ ફરી વરસાદ શરૂ થયો છે. શહેરમાં ધોધમાર વરસાદને કારણે વડોદરા વાસીઓ પરેશાન થઈ ગયા છે. ભારે વરસાદને કારણે સમગ્ર શહેરમાં પાણી ભરાઈ જતા લોકોને ભારે હાલાકીનો સામનો કરવાનો વારો આવ્યો છે. એક દિવસના વિરામ બા ફરી વરસાદ શરૂ થતા વડોદરા વાસીઓની ચિંતામાં વધારો થયો છે. કારણે  મનપા દ્વારા શહેરમાં સફાઈ કવાની કામગીરી હજૂ પૂર્ણ થઈ  નથી ત્યાતો ફરી વરસાદ શરૂઆત થઈ ગયું છે.

નર્મદા જિલ્લામાં સતત 24 કલાકથી વરસાદ:

જ્યારે નર્મદા જિલ્લામાં મેઘ મહેર યથાવત યથાવત જોવા મળી રહી છે. સતત 24 કલાકથી 5 તાલુકામાં મેઘરાજા મન મુકીને વરર્સી રહ્યાં છે. જીલ્લામાં ગરૂડેશ્વર તાલુકામાં બે ઇંચ વરસાદ ખાબક્યો છે. ભારે વરસાદને કારણે તિલકવાડાના કસુંદરની મેણ નદી બે કાંઠે વહેતી થઈ છે. તો ભારે વરસાદને કારણે મેણ નદીના પુલ પર પાણી ફરી વળ્યાં છે. જેથી પુલ પરથી પરસાર થતા વાહન ચાલકોને ભારે હાલાકીનો સામનો કરવાનો વારો આવ્યો છે.

ભાવનગરમાં વહેલી સવારથી વરસાદ:

ભાવનગરમાં વહેલી સવારથી વરસાદ શરૂ થઇ ગયો છે. ત્યારે વરસાદના કારણે પીપળી અને ધોલેરાના માર્ગો પર પાણી ભરાઇ ગયા છે. ભાવનગરથી વડોદરા વાયા વટામણ રોડ બંધ કરી દેવાયો છે. જ્યારે વડોદરાના મુસાફરો માટે અમદાવાદનો માર્ગ ચાલુ રાખવામાં આવ્યો છે.

જામનગરના ધ્રોલ પંથકમાં સતત વરસાદ:

જામનગરના ધ્રોલ પંથકમાં સતત વરસાદ વરસી રહ્યો છે. ભારે વરસાદને પગલે આજી ડેમમાં નવા નીર આવ્યા છે. ભારે વરસાદને કારણે આજી-3 ડેમનો એક દરવાજો એક ફૂટ સુધી ખોલવામાં આવ્યો છે. રાજકોટમાં જિલ્લામાં વ્યાપક વરસાદને લઈને ડેમમાં પાણીની આવકમાં વધારો થઈ રહ્યો છે. ગતરોજ આજી-2 ડેમના 8 દરવાજા 6 ફૂંટ ખોલવામાં આવ્યાં હતા.

ખેડામાં એક દિવસના વિરામ બાદ ફરી વરસાદ:

ખેડામાં એક દિવસના વિરામ બાદ ફરી વરસાદ શરૂ થઇ ગયો છે. ખેડાના કપડવંજ અને કઠલાલમાં ધીમીધઆરે વરસાદ વરસી રહ્યો છે. વહેલી સવારથી ઝરમર વરસાદ પડતા ખેડૂતોમાં ખુશીની લહેર જોવા મળી છે.

હવામાન વિભાગની આગાહી:

આગામી 5 દિવસ સુધી રાજ્યામાં વરસાદી માહોલ યથાવત રહેશે. સુરતમાં ભારે વરસાદ પડ્યો છે. જેના કારણે કેટલાક વિસ્તારોમાં પાણી ભરાઇ ગયા છે. રાજકોટમાં 8 ઇંચ વરસાદ પછી જનજીવન સમાન્ય થઇ રહ્યું છે. તો વડોદરામાં પૂર પછી હાલ કોઇ વરસાદ નથી. જ્યારે અમદાવાદમાં સવારથી સામાન્ય વરસાદી છાંટા પડી રહ્યા છે. રાજ્યમાં અત્યાર સુધી સરેરાશ 49 ટકા વરસાદ પડ્યો છે. અને આજે અને આવતી કાલે વધુ વરસાદની આગાહી કરવામા આવી છે. દક્ષિણ ગુજરાત અને સૌરાષ્ટ્રમાં ભારે વરસાદ પડી શકે છે. તો અમરેલી, દીવ અને સોમનાથમાં પણ વરસાદ પડી શકે છે. હવામાન વિભાગનું અનુમાન છે કે આગામી દિવસોમાં વરસાદી સિસ્ટમ યથાવત રહેવાની છે.

વડોદરામાં​ જનજીવન રાબેતા મુજબ શરૂ:

વડોદરામાં બુધવારે ભારે વરસાદ થતા લોકો પરેશાન થયા હતા. ત્રણ દિવસ બાદ હવે વડોદરામાં જનજીવન રાબેતા મુજબ શરૂ થયું છે. શહેરના તમામ વિસ્તારોમાં જીવન જરૂરી તમામ વસ્તુઓ મળવાની શરૂઆત થઈ છે. એક દિવસમાં પડેલા 20 ઈંચ વરસાદના કારણે શહેરના અનેક વિસ્તારોમાં પાણી ભરાયા હતા. અનેક સોસાયટીઓમાં પાણી ભરાવવાના કારણે લોકોને હાલાકી ભોગવવાનો વારો આવ્યો હતો. હાલમાં શહેરની સોસાયટીઓમાંથી પાણી ઓસરી રહ્યા છે. જોકે હજી પણ શહેરની કેટલીક સોસાયટીઓમાં પાણી ભરાયેલા છે. પાણી ઓસરવાના કારણે લોકોએ રાબતનો શ્વાસ લીધો છે. ત્યારે હવે વડોદરા મ્યુનિસિપલ કોર્પોરેશનની ટીમ દ્વારા શહેરમાં સફાઈ કરવામાં આવશે. શહેરમાં મ્યુનિસિપલ કોર્પોરેશનની ટીમ દ્વારા સફાઈ કરવામાં આવશે અને રોગચાળો ન ફેલાય તે માટે તંત્ર દ્વારા કામગીરી હાથ ધરાશે.

રાજકોટમાં પણ રાહતનો શ્વાસ:

રાજકોટમાં વરસેલા ભારે વરસાદ બાદ હવે જનજીવન થાળે પડ્યુ છે. શુક્રવારે ભારે વરસાદના કારણે હાલાકી ભોગવવાનો વારો આવ્યો હતો. શુક્રવારે આઠ કલાકમાં 8 ઈંચ વરસાદ વરસ્યો હતો. જેના કારણે અનેક વિસ્તારોમાં પાણી ભરાયા હતા. આજે શહેરના તમામ વિસ્તારોમાંથી પાણી ઓસર્યા છે. રસ્તા પર પાણી ભરાવવાના રોડ રસ્તા પર પાણી ભરાતા વાહન વ્યવહાર ઠપ્પ થયો હતો. આજે ફરી એક વખત વાહન વ્યવહાર શરૂ થયો છે. પાણી ઓસરી જતા જનજીવન ફરી સામાન્ય બન્યું છે.