રાજ્યના હવામાન વિભાગ દ્વારા મોટી આગાહી કરવામાં આવી છે. સૌરાષ્ટ્રમાં આ ગામી 2 થી 3 દિવસ દરમિયાન ભારે થી અતિભારે વરસાદ પડી શકે
રાજ્યમાં હવામાન વિભાગની આગાહી
દક્ષિણ ગુજરાતમાં 2 દિવસ રહેશે વરસાદ
સૌરાષ્ટ્રના જિલ્લામાં પડી શકે છે વરસાદ
રાજ્યના હવામાન વિભાગ દ્વારા મોટી આગાહી કરવામાં આવી છે. આગામી 2 થી 3 દિવસ દરમિયાન સૌરાષ્ટ્રમાં ભારે થી અતિભારે વરસાદ પડી શકે છે, જોકે અમદાવાદીમાં વરસાદની શક્યતા નહીવત જોવા મળી રહી છે શહેરમાં વરસાદી ઝાપટાં પડી શકે છે ઉત્તર ગુજરાતમાં હળવાથી મધ્યમ વરસાદની આગાહી કરવામાં આવી છે.
રાજ્યમાં હવામાન વિભાગની આગાહી
આ તરફ કચ્છમાં સામાન્ય વરસાદ પડવાની સંભાવના જોવાઈ રહી છે. ઉલ્લેખનિય છે કે કચ્છમાં સૌછી છેલ્લે ચૌમાસું સક્રિય થતું હોય છે પરતું હવામાન વિભાગે કચ્છમાં પણ સામાન્ય વરસાદ પડે તેવી આગાહી કરી છે. વરસાદની આગાહીને પગલે વહીવટી તંત્ર એલર્ટ બન્યું છે. જિલ્લાના તમામ તાલુકા મથકે કંટ્રોલરૂમ શરૂ કરી દેવામાં આવ્યા છે. જ્યારે જિલ્લા કલેક્ટરે તમામ કર્મચારીઓની રજાઓ રદ્દ કરી દીધી છે.
તાલુકા મથકે કંટ્રોલરૂમ કાર્યરત કરાયા
આ તરફ હવામાન વિભાગની આગાહીને પગલે બોટાદ વહીવટી તંત્ર પણ એક્શનમાં આવી ગયુ છે. બોટાદમાં પણ તમામ તાલુકા મથકોએ કંટ્રોલ રૂમ કાર્યરત કરી દેવાયા છે તેમજ ગ્રામ્ય વિસ્તારોમાં નદીઓની આસપાસ નીચાણવાળા વિસ્તારમાં લોકોને મુશ્કેલી ના પડે તે માટે કામગીરી પૂર્ણ કરી દેવામાં આવી છે. તેમજ જિલ્લા અધિકારીઓને કર્મચારીઓને ખડેપગે રહેવાનો આદેશ કર્યો છે.
સૌરાષ્ટ્રમાં ભારે વરસાદની આગાહી
બીજી તરફ દ્વારકામાં છેલ્લા બે દિવસથી ધોધમાર વરસાદ પડી રહ્યો છે જેને પગલે જળબંબાકાર જેવી સ્થિતિ નિર્માણ પામી છે. હજું પણ હમાનની આગાહી પ્રવાણી ભારે વરસાદની શક્યતા સેવાઈ રહી છે તો માછીમારોને પણ દરિયો ન ખેડવા માટેની સૂચના આપી દેવામાં આવી છે. દરિયા કિનારે 45 થી 55 ઝડપે પવન ફુંકાઈ શકે છે. તેમજ માછીમારોને બોટો અને સાધન સામગ્ર સુરક્ષિત સ્થળે ખસેડી લેવાની સુચના પણ આપી દેવામાં આવી છે. ગઈ કાલે દ્વારકા સહિતના પંથકમાં પડેલા વરસાદે પૂર જેવી સ્થિતિ સર્જી હતી.
મોટા આસોટા ગામે વરસાદી પાણી ફરી વળ્યા
અમરેલીના ગ્રામ્ય વિસ્તારો રાજુલા અને ખાંભાના ગામડાઓમાં ભારે વરસાદ બાદ નદીનાળા છલકાયા હતા. તો રાજુલાના ભુંડણી, નાના બારમણ, મોટા બારમણ તેમજ ચોત્રામાં વરસાદને કારણે પૂર જોવા મળી હતી. દ્વારકા જિલ્લાના ખંભાળીયામાં ધોધમાર વરસાદને બેરાજા ગામે કોઝ-વે પર પાણી વહેવા લાગ્યા છે. જેના પગલે વાહન ચાલકો મુશ્કેલીમાં મુકાયેલા જોવા મળ્યા જ્યારે વેદમતી નદીમાં પાણીની જળ સપાણી ઉંચે આવતા પૂર જેવા દ્રશ્યો સર્જાયા છે.
દ્વારકામાં આભ ફાટ્યા જેવી સ્થિતિ સર્જાઈ
દ્વારકાના મોટા આસોટા ગામે આભ ફાટ્યું હોય તેવો દ્રશ્ય સર્જાયું ચારે તરફ પાણી પાણી જોવા મળ્યા. ભારે વરસાદને કારણે ગામમાં પાણી ફરી વળ્યા છે. માત્ર એક દિવસમાં 5 ઈંચથી વધુ વરસાદ ખાબકતા જળબંબાકાર જેવી સ્થિતિ સર્જાઈ તો બજારો અને વોકળામાં વરસાદના પાણી ફરી વળ્યા હતા.
ભારે વરસાદને કારણે ચાર તરફ પાણી પાણી જોવા મળી રહ્યા છે. હવામાન વિભાગ દ્વારા ભારે વરસાદની આગાહી કરવામાં આવી છે ત્યારે હજુ પણ આગામી ત્રણ દિવસ વરસાદી માહોલ રહેશ તેવું જણાવ્યું છે.
જળ બંબાકાર, ચારે તરફ પાણી પાણી
મેઘરાજા મન મુકીને વરસી રહ્યા છે. મેઘરાજા એવા તે મહેરબાન થયા છે અનેક જિલ્લામાં સારો એવો વરસાદ નોંધાયો છે. છેલ્લા બે દિવસથી દેવભૂમિ દ્વારકામાં પણ વીજળીના કડાકા વરસાદ ખાબકી રહ્યો છે ભારે વરસાદને કારણે દ્વારકાના મંદિરની સીડીયો ઉપરથી વરસાદી પાણી ઉતરી રહ્યા હોય તેવા દ્રશ્યો જોવા મળ્યા હતા. મંદિરની સીડીઓ ઉપર પણ પાણીનું વહેણ જોવા મળતા યાત્રિકોમાં ઉત્સાહ જોવા મળ્યો હતો અને યાત્રિકો ગોંમતીઘાટ પર સ્નાન કરવા ઉમટી પડ્યા હતા. ત્યારે આજે સવારથી દ્વારકામાં વરસાદી માહોલ જોવા મળી રહ્યો છે.