અમદાવાદમાં અચાનક ભારે પવન ફૂંકાયો છે. ભારે પવનને કારણે અનેક વૃક્ષોના ભાગ ધરાશાયી થયા છે. ભારે પવન સાથે સામાન્ય વરસાદ પણ ચાલુ છે. શહેરમાં વાવાજોડા જેવી સ્થિતિ સર્જાઈ છે. કામ વગર ઘરની બહાર ન નીકળવા VTVની અપીલ છે.
અમદાવાદમાં ભારે વરસાદના કારણે વસ્ત્રાપુર પાસે બે વૃક્ષ ધરાશાઇ થયા છે. નવરંગપુરા પાસે કાર પર ઝાડ પડ્યું છે. આ ઝાડ પડતા 5 લોકો ઈજાગ્રસ્ત થયા છે. સ્થાનિકોએ કારમાં ફસાયેલા લોકોને બહાર કાઢ્યા હતાં. તો ગુલબાઇ ટેકરા પાસે AMTSનું બસ સ્ટેન્ડ પડી ગયુ છે. ચાંદખેડામાં ભારે પવન સાથે વરસાદ થયો છે. તેમજ એક વૃક્ષ ઘરાશાઇ થયું છે.
આજે નહીં રમાય GMDC ગ્રાઉન્ડ પર ગરબા
નવરાત્રી શરૂ થઈ ગઈ છે. તેમ છતાં હજુ પણ રાજ્યમાં વરસાદી માહોલ યથાવત છે. નવરાત્રીના પ્રથમ દિવસની મજા તો વરસાદે બગાડી દીધી પણ બીજા દિવસે પણ ભારે પવન સાથે વરસાદે બીજુ નોરતુ બગાડ્યું છે.
આજે GMDC ગ્રાઉન્ડ પર ગરબા રમાશે નહિં. GMDC ગ્રાઉન્ડ પર વરસાદી પાણી ભરાય ગયા છે. બીજા નોરતે વાયબ્રંટ નવરાત્રીનો કાર્યક્રમ રદ થશે. ટેક્નિકલ બાબતોને ધ્યાને રાખીને નિર્ણય લેવામાં આવ્યો છે. શહેરમાં અનેક ગરબા આયોજનોમાં વરસાદનું વિઘ્ન સામે આવ્યું છે.
2 ઓક્ટોબર સુધી ગુજરાતમાં વરસાદી સિસ્ટમ સક્રિય રહેવાની છે. જેના કારણે 2 ઓક્ટોબર સુધી વરસાદ ખેલૈયાઓને નિરાશ કરશે. વરસાદના કારણે ગરબા આયોજકો પણ મુશ્કેલીમાં મુકાયા છે. અમદાવાદમાં 90 જેટલા ગરબા આયોજકો ચિંતામાં મુકાયા છે.