ચોમાસુ ભરપૂર / Heavy Rain-Flood: દેશના આ પાંચ રાજ્યોમાં ભારે વરસાદથી કહેર સર્જાયો, નદી-નાળાઓ છલકાયા, અમુક શાળાઓ બંધ કરી

• દેશમાં હાલમાં વરસાદી માહોલ બરાબરનો જામ્યો છે
• આ પાંચ રાજ્યોમાં ભારેથી અતિ ભારે વરસાદની ચેતવણી
• અમુક જિલ્લામાં રેડ એલર્ટ જાહેર કર્યા, શાળાઓ બંધ 

દેશના કેટલાય રાજ્યોમાં થઈ રહેલા ભારે વરસાદથી નદી નાળા છલકાયા છે અને કેટલાય શહેરોમાં પુર જેવી સ્થિતિનું નિર્માણ થયું છે. સૌથી ખરાબ હાલત મધ્ય પ્રદેશ, રાજસ્થાન, હિમાચલ અને ઉત્તરાખંડ તથા યુપીના અમુક જિલ્લાનો સમાવેશ થાય છે. મધ્ય પ્રદેશ તથા રાજસ્થાનના કેટલાય શહેરોમાં શાળામાં રજાઓ જાહેર કરી દેવામા આવી છે. ભારે વરસાદના કારણે ભારે પવનથી મોટા પાયે નુકસાન થયું છે. ઝાડ ઉખડીને વિજળીના થાંભલાઓ પર પડતા બત્તી ગુલ થવી, રસ્તાઓ બ્લોક થવાના સમાચાર પણ મળી રહ્યા છે. કેટલાય વિસ્તારો જળમગ્ન છે. 

મધ્ય પ્રદેશના 39 જિલ્લામાં રેડ એલર્ટ, ભોપાલ બન્યુ તળાવ, કેટલાય વિસ્તાર જળમગ્ન

હવામાન વિભાગ અનુસાર, મધ્ય પ્રદેશના 39 જિલ્લામાં અતિ ભારે વરસાદની ચેતવણી આપતા રેડ એલર્ટ જાહેર કર્યું છે. આગામી 24 કલાકની અંદર અતિ ભારે વરસાદની ચેતવણી હવામાન વિભાગ દ્વારા આપવામાં આવી છે. ભોપલામાં છેલ્લા 24 કલાકમાં લગભગ 8 ઈંચ જેટલો વરસાદ નોંધાયો છે. વરસાદના કહેરથી જનજીવન અસ્ત વ્યસ્ત છે. અતિ ભારે વરસાદથી ભારે પવનના કારણે ઘણી જગ્યાએ ઝાડ ઉખડી ગયા છે. ભોપાલના કેટલાય વિસ્તારમાં બત્તી ગૂલ થઈ ગઈ છે. સીએમ આવાસ પાસે શ્યામલા હિલ્સ સ્થિત વર્ધમાન એપાર્ટમેન્ટની પાસે એક ઝાડ કાર પર પડ્યું હતું જેના કારણે કારના ભુક્કા નિકળી ગયા હતા. 

#WATCH | Normal life severely affected as water from overflowing Ganga-Yamuna rivers enters residential areas in Prayagraj, Uttar Pradesh pic.twitter.com/0H0QlbifEW

— ANI (@ANI) August 21, 2022

છેલ્લા 24 કલાકમાં મધ્ય પ્રદેશ ઉપરાંત ઉત્તરાખંડ, ઝારખંડ, ઓડિશા તથા યુપીના કેટલાય વિસ્તારોમાં ભારે વરસાદથી લાખો લોકો પ્રભાવિત થયા છે. પહાડી રાજ્યો ઉત્તરાખંડ તથા હિમાચલમાં ભારે વરસાદના કારણે ગંગા-યમુનામાં ભારે તોફાન સર્જાતા વારાણસી તથા પ્રયાગરાજના કિનારે વસ્તીમાં પાણી ભરાયા છે. 

રાજસ્થાનના 10 જિલ્લામાં હાઈએલર્ટ

હવામાન કેન્દ્ર જયપુરથી મળેલી જાણકારી અનુસાર રાજ્યમાં 23 ઓગસ્ટ સુધી ભારે વરસાદની આગાહી છે. અહીં ડીપ ડિપ્રેશનના કારણે ચોમાસુ સિસ્ટમ એક્ટિવ છે. આજે ઝાલાવાડ, પ્રતાપગઢ અને બારાંમાં ભારે વરસાદના કારણે રેડ એલર્ટ જાહેર કર્યું છે. કોટા જિલ્લામાં સરકારી અને ખાનગી શાળામાં રજાઓ જાહેર કરી દીધી છે. આગામી 24 કલાકની અંદર કોટામાં સૌથી વધારે અસર જોવા મળશે. સોમવારે કેટલાય જિલ્લામાં ભારેથી અતિ ભારે વરસાદનું રેડ એલર્ટ જાહેર કર્યું છે. બારાં, ઝાલાવાડ અને પ્રતાપગઢ તેમાં સામેલ છે. જ્યારે 10 જિલ્લામાં અતિ ભારે વરસાદનું રેડ એલર્ટ જાહેર કર્યું છે. 

Uttarakhand | River Ganga in spate in Rishikesh amid torrential downpour in the state (20.08) pic.twitter.com/Dqd1BlBk0x

— ANI UP/Uttarakhand (@ANINewsUP) August 20, 2022

પહાડી રાજ્ય ઉત્તરાખંડ અને હિમાચલમાં પણ ભારે વરસાદના કારણે ગંગા-યમુના તોફાને ચડ્યા છે. યુપીના વારાણસી તથા પ્રયાગરાજમાં કિનારાની વસ્તીમાં પાણી ભરાયા છે. હજારો લોકોને સુરક્ષિત જગ્યાએ શિફ્ટ કરવામાં આવ્યા છે. વારાણસીમાં સાંકેતિક ગંગા આરતી કરવાના નિર્દેશ અપાયા છે.