છેલ્લા કેટલાક દિવસોથી મુંબઈમાં વરસાદ આફત બનીને વરસી રહ્યો છે. ભારે વરસાદના કારણે લોકોનું જનજીવન ખોરવાયું છે. રેલવે અને હવાઈ સેવા પર પણ અસરો જોવા મળી રહી છે. લાઈફલાઈન ગણાતી મુંબઈની લોકલ ટ્રેનો પર પણ અસર જોવા મળી રહી છે. ભારે વરસાદની આગાહી વચ્ચે સ્કૂલ -કોલેજો બંધ રાખવાનો આદેશ મહારાષ્ટ્ર સરકારના મંત્રી અને બાન્દ્રા વેસ્ટના ભાજપના ધારાસભ્ય આશીષ શેલારે આપ્યો છે.
મુંબઇમાં આ વર્ષે રેકોર્ડ બ્રેક વરસાદ થયો
હવામાન વિભાગ દ્વારા મુંબઇમાં રેડએલર્ટ
ભારે વરસાદના પગલે સ્કૂલ-કોલેજ આજે પણ બંધ રહેશે
ભારે વરસાદના આશંકાના પગલે મુંબઇ, ઠાણે અને કોંકણમાં આજરોજ તમામ સ્કૂલ અને કોલેજ બંધ રહેશે. તમામ સ્કૂલ અને જૂનિયર કોલેજ દ્વારા રજા જાહેર કરવામાં આવી છે. જ્યારે મહારાષ્ટ્રના અન્ય ભાગમાં સ્કૂલ-કોલેજ બંધ રહેશે કે નહીં તે અંગેનો નિર્ણય પ્રશાસન દ્વારા લેવામાં આવશે.
ગઈકાલે સ્કૂલ-કોલેજ બંધ રહેવાની આપી જાણકારી
મહારાષ્ટ્ર સરકારના મંત્રી અને બાન્દ્રા વેસ્ટના ભાજપના ધારાસભ્ય આશીષ શેલારે સ્કૂલ-કોલેજ બંધ રહેવા અંગેની જાણકારી ટવિટરના માધ્યમથી આપી હતી. ધારાસભ્યના જણાવ્યા અનુસાર દરેક સ્કૂલ-કોલેજ બંધ રહેશે. મુંબઇમાં આ વર્ષે રેકોર્ડબ્રેક વરસાદ નોંધાયો છે.
In view of heavy rainfall forecasts. As a precautionary measure, holiday is declared for all schools & junior colleges in Mumbai, Thane, Konkan region for today 19 Sep 2019. District collectors in other parts of Maharashtra to decide, based on local conditions. #rain
હવામાન વિભાગનું રેડએલર્ટ
દેશની આર્થિક રાજધાની ગણાતાં મુંબઇમાં આજે ફરી ભારે વરસાદની આગાહી કરવામાં આવી છે. હવામાન વિભાગ તરફથી આ સંબંધમાં મુંબઇમાં એલર્ટ જાહેર કરાયું છે. હવામાન વિભાગ અનુસાર મુંબઇ સહિત તેની પાસેના વિસ્તારોમાં ભારે વરસાદની શક્યતા છે.
મુંબઇમાં રેકોર્ડ બ્રેક વરસાદ નોંધાયો
હવામાન વિભાગના જણાવ્યા અનુસાર વરસાદે 65 વર્ષનો રેકોર્ડ તોડી નાંખ્યો છે. ગત વખતે 1954માં 3452 મીમી વરસાદ નોંધાયો હતો. જો કે આ વર્ષે મુંબઇ એકલામાં જ 3475 મીમી કરતાં પણ વધુ વરસાદ પડ્યો છે. જો કે હજી પણ આગળ વરસાદ પડવાની સંભાવના છે. હવામાન વિભાગ (IMD)એ ભારે વરસાદની આશંકા વ્યક્ત કરી છે. મુંબઇમાં દર વર્ષે 2353 મીમી સરેરાશ વરસાદ પડે છે.