મેઘ તાંડવ / ભારે વરસાદના પગલે સુરતના 10 ગામો એલર્ટ, NDRFની ટીમ તૈનાત

સુરતના 10 ગામો એલર્ટ:

સુરતના માંગરોળ બાદ ઓલપાડ તાલુકાના ગામોને એલર્ટ કરાયા છે. ઉપરવાસમાં વરસાદના પગલે કીમ નદીમાં પાણીની સતત આવક થઇ રહી છે. જેથી નદી કાંઠાના ૧૦ જેટલા ગામોને એલર્ટ કરાયા છે. ઉમરાછી, વડોલી, બોલાવ, કીમામલી, કઠોદરા, અણીતા સહીતના ગામોને સાવધાન કરાયા છે. તો તંત્ર પણ એલર્ટ ગામોના સતત સંપર્કમાં છે. જ્યારે નદીના જળ સ્તરમાં વધારો થતા લોકો ચિંતામાં મુકાયા છે.

ખેડામાં પણ ભારે વરસાદ:

જ્યારે વડોદરા બાદ મેઘરાજા ખેડા જીલ્લામાં અવિરત વર્ષી રહ્યા છે. ત્યારે યાત્રાધામ ડાકોર સહીત ખેડા જીલ્લામાં ભારે વરસાદ વરસ્યો છે. ડાકોર મંદિર આગળ પાણી ભરતા યાત્રિકો પાણીમાં થઇ દર્શન કરવા પહોચ્યા હતા. તો વરસાદને પગલે પવિત્ર ગોમતી તળાવમાં નવા પાણીની આવક થઇ છે. ડાકોરના મુખ્ય પ્રવેશ માર્ગ ઉપર પણ ગુઠણ સમાં પાણી ભરાયા છે. હજુ પણ વરસાદ યથાવત રહેતા શેઢી નદીમાં પણ નવા નીર આવ્યા છે.