રાજ્યમાં ઉત્તર ગુજરાત અને સૌરાષ્ટ્રમાં વાતાવરણમાં પલટો જોવા મળ્યો છે. તો કેટલાક વિસ્તારમાં વરસાદ પણ પડ્યો છે. ભાવનગરના સિહોર સહિતના ગ્રામ્ય વિસ્તારમાં ભારે પવન સાથે વરસાદ ખાબક્યો હતો.
બીજી તરફ સાબરકાંઠા જિલ્લાના હિંમતનગર, તલોદ, ઇડર સહિતના વિસ્તારમાં વરસાદ વરસ્યો હતો. તો આ તરફ અમરેલીના સાંવરકુંડલા પંથકના વિજપડી, ભમ્મર, ચીખલી સહિતના ગામમાં વરસાદ આવ્યો છે. તો રાજુલાના ડુંગરમાં બરફના કરા સાથે ધોધમાર વરસ્યો છે. ભારે વરસાદથી રોડ રસ્તાઓ પર પાણી ભરાઇ ગયા છે.
સાથે જ યાત્રાધામ શામળાજીમાં અચાનક વરસાદથી વાતાવરણમાં ઠંડક પ્રસરી હતી. જ્યારે હાલ રાજ્યમાં અનેક જગ્યાએ વરસાદના કારણે ખેડૂતોની ચિંતામાં વધારો થયો છે. વરસાદના કારણે ખેડૂતોને પોતાના પાકને ભારે નુકસાન જવાની ભિંતી સેવાઇ રહી છે.