લ્યો બોલો...! ધસમસતા પાણીના પ્રવાહમાં ટ્રેક્ટર ફસાતા બોલાવવી પડી ક્રેન

સુરતઃ શહેરનાં માંગરોળ તાલુકાનાં કોઠવા ગામે પાણીનાં પ્રવાહમાં એક ટ્રેક્ટર ફસાયું હતું. પોલાદ ગામથી કોઠવા ગામ જતાં પાર્મ પર આવેલી સુપડી પરથી પાણીનો ધોધમાર પ્રવાસ વહી રહ્યો છે. જેમાં અનેક વાહનો આજે ફસાયાં હતાં. ટ્રેક્ટર પહેલાં એક કાર પણ ફસાઈ ગઇ હતી. આ કારમાં 4 લોકો સવાર હતાં.

મહત્વની બાબત છે કે આ કાર હજુ સુધી મળી શકી નથી. આ કાર પાણીમાં જ ગરકાવ થઇ ગઇ છે. તો પાણીનાં આ ધસમસતા પ્રવાહમાં એક ટ્રેક્ટર પણ ફસાયું હતું.

જો કે ભારે જહેમત બાદ આ ટ્રેક્ટરને ક્રેનની મદદથી બહાર કાઢવામાં આવ્યું હતું. ભારે વરસાદને પગલે હાઈવે પર ટ્રાફિક જામ જોવાં મળી રહ્યો છે. જેથી કેટલાંક વાહન ચાલકો અંદરનાં માર્ગે પસાર થઈ રહ્યાં છે.



ઉલ્લેખનીય છે કે સતત ત્રણ દિવસથી સુરત જિલ્લામાં મેઘરાજાની હેલી યથાવત રહી હતી. ત્યારે બે દિવસથી જિલ્લાના બારડોલી તાલુકા પ્રભાવિત થયું હતું.

આ તાલુકામાં વરસાદી પાણી અકોટી-માંગરોળીયા ગામને જોડતા કાળી ખાડી પુલ પર ફરી વળ્યાં હતા. જો કે આ પાણીમાં એક ટ્રેકટર ફસાઇ જતા ક્રેન દ્વારા તેને બહાર કાઢવા પ્રયાસો હાથ ધરાયા હતા.