IPLIN
 
  • Home
  • Mumbai
  • Heavy rain lashes Pune 5 killed after wall collapses

કહેર / મહારાષ્ટ્રના પૂણેમાં આકાશી આફત, 12 લોકોના મોત, પૂરમાં રમકડાની જેમ વાહનો તણાયા

Team VTV 08:52 AM, 26 Sep 19 | Updated: 04:23 PM, 26 Sep 19
Follow us
Heavy rain lashes Pune 5 killed after wall collapses

મહારાષ્ટ્રના પૂણેમાં ગઇકાલથી પડી રહેલા ભારે વરસાદથી પૂરની સ્થિતિ જોવા મળી છે. જ્યારે મોડી રાતે કટરાજ કનાલની દિવાલ ધરાશાયી થતાં 5 લોકોનાં મોત નિપજ્યાં છે. જો કે હજુ આ મૃતઆંક વધે તેવી શક્યતા છે.

  • પૂણેમાં ભારે વરસાદના કારણે 12 લોકોના મોત
  • દિવાલ ધરાશાયી થતાં અનેક લોકોનાં મોત
  • રાહત અને બચાવ કામગીરી પૂરજોશમાં

મહારાષ્ટ્રના પૂણેમાં આવેલી આકાશી આફત સામે સૌ કોઈ લાચાર રહી ગયા. પૂણે જિલ્લામાં વરસેલા વરસાદે એવો તો કહેર વર્તાવ્યો કે લોકોને સુરક્ષિત સ્થળે ખસી જવાની પણ તક ન મળી. લોકો જ્યાં હતા ત્યાં જ અટવાઈ ગયા. હજારો વાહનો પાણીના પ્રવાહમાં તણાઈ ગયા અને કારનો કચ્ચરઘાણ બોલી ગયો. પૂણેમાં વરસાદના કારણે 12 લોકોના મોત નિપજ્યા છે. જ્યારે અનેક લોકો ઘાયલ થયા છે. 

કનાલની દિવાલ ધરાશાયી થઇ

પૂણેમાં હાલમાં ભારે વરસાદ વરસી રહ્યો છે. જેના કારણે કટરાજ કનાલની દિવાલ ધરાશાયી થવાના કારણે બે મહિલાઓ સહિત એક બાળક સાથે 5 લોકોના મોત નિપજ્યાં છે. ઘણી બધી જગ્યા પર  વૃક્ષ ધરાશાયી જોવા મળ્યાં છે. 

 


સતત વરસાદના પગલે સ્કૂલ-કોલેજમાં રજા જાહેર કરાઇ

પૂણેમાં છેલ્લા 24 કલાકથી પડી રહેલા  ભારે વરસાદના કારણે પૂરની સ્થિતિ ઉભી થઇ છે. જો કે પરિસ્થિતિને ધ્યાનમાં લઇને પૂણેના જિલ્લા કલેકટર નવલ કિશોર રામે પૂના શહેર, પુરંદર, બારામતી, ભોર અને હવેલી તહેસીલની સ્કૂલ-કોલેજોમાં રજા જાહેર કરી છે. 
 


વીજળી-પાણી સેવા પ્રભાવિત થઇ

પૂણેમાં ભારે વરસાદના પગલે પૂરની સ્થિતિને લઇને કટરાજ, બારામતી અને કોર્પોરેશનમાં એનડીઆરએફની એક-એક ટીમ મોકલવામાં આવી છે. શહેરના કેટલાંક વિસ્તારો પાણીમાં ગરકાવ જોવા મળી રહ્યાં છે. જેને લઇને વીજળી સેવા  બંધ થઇ ગઇ છે. જ્યારે પાણી સેવા પણ પ્રભાવિત થઇ છે. 
 

 

 

Heavy Rain Puna Wall Collapse વરસાદ પૂના દિવાલ ધરાશાયી
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ