બારે મેઘ ખાંગા / વરસાદે બદલી સુરતની 'સૂરત', ઓલપાડ વરાછા અને લિંબાયત સહિત અનેક વિસ્તારો જળબંબાકાર

ભારે વરસાદની આગાહીને લઈને તંત્ર એલર્ટ થયુ છે અને  વડોદરામાંથી NDRFની એક ટીમ સુરતમાં મોકલવામાં આવી છે. ભારે વરસાદ થતા ઓલપાડના GIDC વિસ્તારમાં પાણી ભરાયા છે. GIDCના શોપિંગ સેન્ટરોના ગ્રાઉન્ડફ્લોરમાં પાણી ભરાતા લોકોને હાલાકી ભોગવવાનો વારો આવ્યો છે. જ્યારે દુકાનોમાં પાણી ઘુસતા વેપારીઓમાં રોષ જોવા મળ્યો છે. હાલમાં વેપારીઓ દુકાનમાં મુકવામાં આવેલ માલ સામાનને બચાવવા માટેના પ્રયાસ કરી રહ્યા છે. દુકાનની અંદર પાણી ઘુસતા તંત્ર સામે રોષ જોવા મળ્યો છે.

તો ઓલપાડ વિસ્તારમાં આવેલ મામલતદાર કચેરીમાં પણ પાણી ભરાયા છે. મામલતદાર કચેરીમાં પાણી ભરાતા લોકોને હાલાકી ભોગવવાનો વારો આવ્યો છે. તો બાવા ફાળિયા પોલીસ સ્ટેશન વિસ્તારમાં પાણી ભરાયા છે.

સુરતમાં ભારે વરસાદના પગલે અનેક વિસ્તારોમાં પાણી ભરાઇ ગયા છે, ચારે તરફ પાણી જ પાણી દેખાઇ રહ્યું છે. તો ભારે વરસાદ અને આગાહીને લઈને સ્કૂલમાં રજા જાહેર કરવામાં આવી છે. જિલ્લા કલેક્ટરે બપોર બાદની સ્કૂલમાં રજા આપવા માટેનો પરિપત્ર જાહેર કર્યો છે. શહેરને ભારે વરસાદ થતા અનેક વિસ્તારોમાં પાણી ભરાયા છે. પાણી ભરાવવાના કારણે જિલ્લા કલેક્ટર દ્વારા બપોર બાદની સ્કૂલમાં રજાનો પરિપત્ર જાહેર કરાયો છે.

સુરતમાં ભારે વરસાદ થતા કીમ નદી ભયજનક સપાટીએ પહોંચી છે. તો ભારે વરસાદ થતા શહેરમા મુખ્યત્વે લો લેવલ બ્રિજ પાણીમાં ગરકાવ થયા છે. તંત્ર દ્વારા પણ સાવચેતીને લઈને પગલા લેવામાં આવ્યા છે. સાવચેતીના ભાગરૂપે તંત્રએ ઓલપાડ, માંગરોળના ગામને એલર્ટ કર્યા છે.

સુરત જિલ્લાનો વરસાદ

• મહુવા- 76 મિમિ
• માંડવી- 51 મિમિ
• ઓલપાડ-26 મિમિબારડોલી- 26મિમિસુરત સિટી- 60 મિમિ
• માંગરોળ 269 મિમિ
• ઉમરપાડા 91 મિમિ
• ચોર્યાસી- 71 મિમિ
• કામરેજ- 24મિમિ
• પલસાણા- 54 મિમિ