સુરતમાં વહેલી સવારથી ધોધમાર વરસાદ વરસી રહ્યો છે. ભારે વરસાદના કારણે શહેરના અનેક વિસ્તારોમાં પાણી ભરાયા છે. શહેરનાં પુણાગામ, રાંદેર, કામરેજ, અડાજણ અને કતારગામ વિસ્તારોમાં પાણી ભરાતા વાહન ચાલકોને હાલાકી ભોગવવાનો વારો આવ્યો છે. ભારે વરસાદના કારણે સિવિલ હોસ્પિટલમાં પણ પણી ભરાયા છે. ટ્રોમા સેન્ટરમાં પાણી ભરાતા દર્દીઓને પરેશાની થઈ રહી છે. પાણીના નિકાલની કોઈ વ્યવસ્થા ન હોવાના કારણે દર્દીઓને પરેશાની ભોગવવી પડી રહી છે.