મુંબઇમાં ભારે વરસાદની અસર હવે દક્ષિણ ગુજરાતમાં દેખાઇ રહી છે. આજે વહેલી સવારથી વાતાવરણમાં પલટો આવ્યો છે અને સુરતના લગભગ મોટા ભાગના તમામ વિસ્તારોમાં આજે વહેલી સવારથી જ ધોધમાર વરસાદ પડી રહ્યો છે.
વહેલી સવારથી સુરતના કતારગામ, વરાછામાં મુશળધાર વરસાદ પડી રહ્યો છે. જ્યારે પર્વતપાટિયા, રિંગરોડ, નાનપુરમાં પણ ભારે વરસાદ છે. સુરતના અડાજણ, રાંદેર, અઠવાલાઈન વિસ્તારમાં ધોધમાર વરસાદ વરસી રહ્યો છે. તો ઉધના, લિંબાયત, ડિંડોલીમાં મેઘમહેર યથાવત છે.
ત્યારે ભારે વરસાદના કારણે નીચાણવાળા વિસ્તારોમાં અને સસ્તાઓ પર પાણી ભરાઇ ગયા છે. જેથી વાહનચાલકો હાલાકી વેઠવી પડી રહી છે. જ્યારે હવામાન વિભાગ દ્વારા સુરત સહિત દક્ષિણ ગુજરાતમાં બે દિવસ સામાન્યથી ભારે વરસાદની આગાહી કરવામાં આવી છે.