હવામાન / દક્ષિણ ગુજરાતમાં ભારે વરસાદ, વલસાડ-નવસારીની હાલત સૌથી વધુ ખરાબ

નવસારી:

નવસારીમાં સતત ધોધમાર વરસાદ વરસી રહ્યો છે. જિલ્લામાં સૌથી વધુ ખેરગામ તાલુકામાં વરસાદ વરસ્યો છે. ખેરગામ તાલુકાની ઔરંગા નદી ગાંડીતૂર થઈ છે. તો ગરગડીયાનો પુલ પાણીમાં ગરકાવ થતા અનેક ગામો સંપર્ક વિહોણા થયા છે. નવસારી અને વલસાડ જિલ્લાના ગામોને જોડતો પુલ પાણીમાં ગરકાવ થયો છે.

ભારે વરસાદના કારણે વાણીયાવાડ વિસ્તારમાં આવેલા બે જર્જરીત મકાન મકાન ધરાશાયી થયા છે. જો કે તેમાં કોઈ જનહાની થઈ નથી. મકાનના કાટમાળમાં બાઈક દટાયું છે. હાલમાં કાટમાળ હટાવવાની કામગીરી હાથ ધરાઈ છે. જ્યારે તંત્ર દ્વારા ગણદેવી તાલુકામાં અંબિકા નદીના કાંઠે આવેલા 8 ગામોને એલર્ટ કર્યા છે. 

વલસાડ:

વલસાડમાં જિલ્લામાં છેલ્લા 24 કલાકમાં ધોધમાર વરસાદ વરસી રહ્યો છે. તમામ તાલુકાઓમાં ધોધમાર વરસાદને કારણે જિલ્લામાં જનજીવન પ્રભાવિત થયું છે અને જિલ્લાના મોટભાગના નદી નાળાઓ છલકાયા છે. ભારે વરસાદ આવતા વિજલપુર વિસ્તારમાં નિકાલની વ્યવસ્થા ન હોવાના કારણે પાણી ભરાતા સ્થાનિકો પરેશાન થયા છે. મહત્વનું છે કે, દર વર્ષે આ વિસ્તારમાં પાણી ભરાવવાનો સ્થાનિકોએ આક્ષેપ કર્યા છે. આ મામલે સ્થાનિકો દ્વારા નગરપાલિકામાં રજૂઆત પણ કરવામાં આવી. જોકે તંત્રએ કોઈ વ્યવસ્થા ન કરી હોવાનો સ્થાનિકોએ આક્ષેપ કર્યો છે.

તો પહેલા વરસાદમાં જ નગરપાલિકાની પ્રિ-મોન્સૂન કામગીરીની પોલી ખૂલી ગઇ છે. વલસાડના ધરમપુરના મુખ્ય માર્ગ પર પાણી ભરાઇ ગયા. જેના કારણે રાહદારીઓ અને વાહન ચાલકો મુશ્કેલીમાં મુકાયા છે. તો ભારે વરસાદને પગલે દમણગંગા નદીમાં નવા નીર આવ્યા છે. જ્યારે મધુબન ડેમમાં 12 હજાર ક્યુસેક પાણીની આવક થઈ છે. સાથે જ વાપી પાસે આવેલ વિયરકમ ઓવર ફલો થયો છે.

- રાજ્યભરમાં વરસાદી માહોલ

દક્ષિણ ગુજરાતના મોટાભાગના વિસ્તારોમાં સાંબેલાધારે વરસાદ:

રાજ્યભરમાં વરસાદી માહોલ છે. દક્ષિણ ગુજરાત અને સૌરાષ્ટ્રના મોટાભાગના વિસ્તારોમાં સાંબેલાધારે વરસાદ વરસી રહ્યો છે. નવસારીમાં છેલ્લા 24 કલાકથી ધોધમાર વરસાદ વરસી રહ્યો છે. ભારે વરસાદના કારણે તંત્રએ ગણદેવી તાલુકાના 8 ગામોને એલર્ટ કર્યા છે. અંબિકા નદીના કાંઠે ગામોને એલર્ટ કરવામાં આવ્યા છે. તંત્રએ નદી કાંઠે ન જવા માટે સ્થાનિકોને પણ અપીલ કરી છે. જ્યારે ગુજરાતમાં ફરીથી સાઇક્લોનિક સર્ક્યુલેશન સક્રિય થતાં આગામી ચાર દિવસ ભારેથી અતિભારે વરસાદ પડવાની આગાહી વ્યક્ત કરવામાં આવી છે. 

વાપીમાં પણ ભારે વરસાદના કારણે નીચાણવાળા અનેક વિસ્તારોમાં પાણી ભરાયા છે. વાપીના કરવડમાં આવેલી સેન્ટ જોસેફ હાઇસ્કૂલમાં વરસાદી પાણી ભરાતા બાળકો અને વાલીઓ મુશ્કેલીમાં મૂકાયા છે.

વાપીમાં પણ ભારે વરસાદના કારણે નીચાણવાળા અનેક વિસ્તારોમાં પાણી ભરાયા છે. વાપીના કરવડમાં આવેલી સેન્ટ જોસેફ હાઇસ્કૂલમાં વરસાદી પાણી ભરાતા બાળકો અને વાલીઓ મુશ્કેલીમાં મૂકાયા છે.

 

ભારે વરસાદની હવામાન વિભાગની આગાહી:

રાજ્યમાં ચોમાસાનું આગમન થયુ છે. ત્યારે રાજ્યના અનેક જિલ્લાઓમાં ભારે વરસાદની આગાહી કરવામાં આવી છે. દક્ષિણ ગુજરાતમાં કાલ સવારથી વરસાદ વરસી રહ્યો છે, જ્યારે આજે ભારે વરસાદ થઈ શકે છે. જેમાં સુરત, નવસારી અને વલસાડમાં ભારે વરસાદ થઈ શકે છે.

તો ઉત્તર ગુજરાત, મધ્ય ગુજરાત અને કચ્છમાં સામાન્ય વરસાદ રહેશે. જ્યારે સૌરાષ્ટ્રના દરિયાઈ જિલ્લાઓમાં પણ વરસાદની શક્યતા સેવાઈ રહી છે. જેને લઈને દ્વારકા, જૂનાગઢ અને પોરબંદરમાં વરસાદી માહોલ જોવા મળશે. આમ, રાજ્યભરમાં આગામી 4 દિવસ સુધી વરસાદી માહોલ યથાવત રહેવાની આગાહી કરવામાં આવી છે.

વાપીમાં વરસાદ સાંબેલાધારે વરસાદ:

રાજ્યમાં વિધિવત રીતે વરસાદની શરૂઆત થઈ છે.  છેલ્લા 24 કલાકમાં રાજ્યમાં સૌથી વધુ વાપીમાં વરસાદ વરસ્યો છે. છેલ્લા 24 કલાકમાં વાપીમાં 8 ઈંચ વરસાદ નોંધાયો છે. ભારે વરસાદ આવતા વાપી ઈસ્ટ અને વેસ્ટને જોડતા અંડરપાસમાં પાણી ભરાયા છે. અંડરપાસમાં પાણી ભરાતા વાહન વ્યવહારને અસર થઈ છે. પાણી ભરાતા હાલમાં અંડરપાસ બંધ કરાયો છે. વરસાદ આવતા પ્રિ-મોન્સૂનની કામગીરી પર સવાલ ઉઠ્યા છે.

સુરતમાં સાંબેલાધારે વરસાદ:

સુરતમાં મોડી રાતે થયેલા ભારે વરસાદથી અનેક વિસ્તારો પાણીમાં ગરકાવ થયા છે. સુરતના ઓલપાડ અને કોસંબામાં ભારે વરસાદ થતા ઠેર ઠેર પાણી ભરાવવાની સમસ્યા ઉભી થઈ છે. ઠેર ઠેર પાણી ભરાતા લોકોને પણ હાલાકી ભોગવવાનો વારો આવ્યો છે. સુરતના ઓલપાડ અને કોસંબામાં માત્ર એક કલાકની વરસાદની હેલીમાં સમગ્ર વિસ્તાર પાણીથી તરબોળ થઈ ગયો. ધોધમાર વરસાદના કારણે સુરત સિવિલ હોસ્પિટલમાં પાણી ભરાયા છે. સિવિલના ટ્રોમા સેન્ટરથી સુપ્રિટેન્ડેટની ઓફીસમાં પાણી ઘૂસી ગયા છે. જેને લઇ દર્દીઓ અને તેમની સાથેના પરિવારજનોને ભારે હાલાકીનો સામનો કરવો પડી રહ્યો છે. બીજી તરફ હવામાન વિભાગે પણ રાજ્યમાં 4 દિવસ સુધી ભારે વરસાદની આગાહી કરી છે.

છોટાઉદેપુરમાં આજે વહેલી સવારથી જ ધોધમાર વરસાદ:

છોટાઉદેપુરમાં આજે વહેલી સવારથી જ ધોધમાર વરસાદ શરૂ થઇ ગયો છે. છોટાઉદેપુરના નસવાડી, પાવીજેતપુર અને બોડેલીમાં ભારે વરસાદ પડી રહ્યો છે. વહેલી સવારથી ગ્રામ્ય વિસ્તારોમાં વરસાદ પડતા ખેડૂતોમાં ખુશીની લાગણી જોવા મળી રહી છે અને આ સારા વરસાદના પગલે ખેડૂતોમાં વર્ષ સારું રહે તેવી આશા બંધાઇ છે. ત્યારે ભારે વરસાદ પડતા નસવાડીમાં આવેલી અશ્વિની નદી બે કાંઠે થઇ છે. ત્યારે નદીનો નજારો જોવા માટે લોકો ઉમટી પડ્યા છે. સતત વરસી રહેલા વરસાદથી ખેડૂતોમાં ખુશી જોવા મળી છે.

ભાવનગરમાં ધોધમાર વરસાદ:

ભાવનગરમાં ધોધમાર વરસાદ વરસી રહ્યો છે. ભારે વરસાદ આવતા જિલ્લાના અનેક વિસ્તારોમાં પાણી ભરાયા છે. ભારે વરસાદને પગલે સિંહોરની બજારમાં પાણી ભરાયા હતા. બજારમાં પાણી ભરાતા લોકોને હાલાકી ભોગવવી પડી હતી. પાણીના પ્રવાહમાં વાહનો પણ તણાયા હતા. તો ભાવનગરના જકાતનાકા પાસે કાર તણાઇ જતા બે લોકોના મોત નિપજ્યા છે. અમદાવાદથી ભાવનગર આવતી કાર તણાઇ ગઇ હતી. કારમાં 5 લોકો સવાર હતા જેમાંથી 3 લોકોને એનડીઆરએફની ટીમ દ્વારા બચાવી લેવાયા છે. જ્યારે અન્ય બે લોકોના તણાઇ જતા મોત નિપજ્યા છે.

નર્મદામાં વહેલી સવારથી વરસાદ:

નર્મદામાં વહેલી સવારથી વરસાદ શરૂ થઇ ગયો છે. રાજપીપળા શહેરમાં વરસાજ પડતા કેટલાક ગામોમાં વીજળી ગુલ થઇ ગઇ છે. નવાગામ ગામમાં લોકોના ઘરોમાં પાણી ઘૂસી ગયા છે. જેને લઇ લોકોએ પરેશાની વેઠવી પડી રહી છે. તો ભારે પવન સાથે વરસાદ પડતા કેટલીક જગ્યાએ વૃક્ષ ધરાશાયી થયા છે.

બોટાદના કૃષ્ણસાગર તળાવમાં નવા નીરની આવક:

બોટાદના કૃષ્ણસાગર તળાવમાં નવા નીરની આવક થઇ છે. ઉપરવાસમાં પડેલા ભારે વરસાદથી પાણીની આવક થઇ છે.તળાવમાં પાણીની આવક થતા ખેડૂતોને રાહત મળશે. ત્યારે પાક સારો થાય તેવી ખેડૂતોને આશા છે.

વડોદરામાં વહેલી સવારથી વરસાદનું આગમન:

દક્ષિણ ગુજરાત ઉપરાંત મધ્ય ગુજરાતની જો વાત કરવામાં આવે તો વડોદરામાં વહેલી સવારથી વરસાદનું આગમન થયું છે. શહેરના લગભગ તમામ વિસ્તારમાં સવારથી જ સતત વરસી રહ્યો છે વરસાદ, તો ભારે વરસાદથી કોર્પોરેશનના પ્રિ-મોન્સૂનની પોલ ખુલી ગઇ છે. વરસાદી ગટર યોગ્ય રીતે સફાઈ નહીં કરાતા પાણી ભરાયા છે. તો ભારે વરસાદને લઈને વૃક્ષો ધરાશાયી થયા છે. કાલાઘોડા પંચમુખી હનુમાન મંદિર સામે મહાકાય વૃક્ષ ધરાશાયી થયો છે. તો વૃક્ષ ધરાશાયી થતા રોડ પર ટ્રાફીકજામ થયાના દર્શયો સર્જાયા હતા. અલગ અલગ ચાર જગ્યાઓએ વૃક્ષો ધરાશાય થયાના ધટના સામે આવી છે. જુપીટર ચોકડી, કોઠી રોડ ગણપતિ મંદિર,ગધેડા માર્કેટ પાસે વૃક્ષ ધરાશાય થતા તંત્ર દ્વારા વૃક્ષો હટાવવાની કામગીરી હાથ ધરાઇ છે.

- વરસાદ પડતાં અનેક શહેરોમાં તંત્રની ખુલી પોલ

રાજ્યમાં વિધિવત રીતે વરસાદનું આગમન થયુ છે. 24 કલાકના વરસાદમાં રાજ્યના અનેક જિલ્લાઓમાં પાણી ભરાયા છે. પાણીના નિકાલની વ્યસ્થા ન હોવાના કારણે લોકોને હાલાકી ભોગવવાનો વારો આવ્યો છે.

વલસાડમાં DGVCLની નબળી કામગીરી, એક સાથે 15 વીજ પોલ ધરાશાયી:

વલસાડમાં ધોધમાર વરસાદ વરસી રહ્યો છે. ભારે વરસાદના કારણે કેટલાક નીચાણાવાળા વિસ્તારોમાં પાણી ભરાયા છે. ભારે વરસાદના કારણે રેલવે સ્ટેશનમાં પાણી ફરી વળ્યુ છે. રેલવે સ્ટેશનના પ્લેટફોર્મ અને પરિસરમાં પાણી ભરાતા મુસાફરોને હાલાકી ભોગવવાનો વારો આવ્યો છે. તો વલસાડના DGVCLની નબળી કામગીરી સામે આવી છે. મોહનગામે રોડ પર વરસાદ પડતા એક સાથે 15 વીજ પોલ ધરાશાયી થયા છે. રસ્તા પર એક સાથે વીજ પોલ ધરાશાયી થતા તંત્રની કામગીરી પર સવાલો ઉઠી રહ્યા છે. 

વડોદરામાં નથી પાણીનો યોગ્ય નિકાલ:

બીજી તરફ વડોદરામાં ભારે વરસાદ આવતા ગરનાળામાં પાણી ભરાયા છે. પાણીનો યોગ્ય નિકાલ ન હોવાથી વાહન ચાલકોને પરેશાની થઈ રહી છે. ભારે વરસાદથી કોર્પોરેશનના પ્રિ-મોન્સૂનની પણ પોલ ખુલી ગઇ છે. વરસાદી ગટર યોગ્ય રીતે સફાઈ નહીં કરાતા પાણી ભરાયા છે. તો ભારે વરસાદને લઈને વૃક્ષો ધરાશાયી થયા છે.

સુરત સિવિલ હોસ્પિટલ પાણીથી તરબોળ:

સુરતમાં મોડી રાતે થયેલા ભારે વરસાદથી અનેક વિસ્તારો પાણીમાં ગરકાવ થયા છે. સુરતના ઓલપાડ અને કોસંબામાં ભારે વરસાદ થતા ઠેર ઠેર પાણી ભરાવવાની સમસ્યા ઉભી થઈ છે. ઠેર ઠેર પાણી ભરાતા લોકોને પણ હાલાકી ભોગવવાનો વારો આવ્યો છે. સુરતના ઓલપાડ અને કોસંબામાં માત્ર એક કલાકની વરસાદની હેલીમાં સમગ્ર વિસ્તાર પાણીથી તરબોળ થઈ ગયો. ધોધમાર વરસાદના કારણે સુરત સિવિલ હોસ્પિટલમાં પાણી ભરાયા છે. સિવિલના ટ્રોમા સેન્ટરથી સુપ્રિટેન્ડેટની ઓફીસમાં પાણી ઘૂસી ગયા છે. જેને લઇ દર્દીઓ અને તેમની સાથેના પરિવારજનોને ભારે હાલાકીનો સામનો કરવો પડી રહ્યો છે.