મેઘ મલ્હાર / સૌરાષ્ટ્રવાસીઓ માટે સારા સમાચાર ભારે વરસાદના પગલે ડેમમાં આવ્યાં નવા નીર

જ્યારે ભાદર ડેમની વાત કરીએ તો 10 ફૂટ બાકી છે. જ્યારે જામ કંડોરણાને પાણી પુરું પાડતો ફોફળ ડેમની સપાટી 17.60 ફૂટે પહોંચી છે. જ્યારે જામનગરના સસોઇ ડેમની સપાટી 13.5 ફૂટે પહોંચી છે.

જ્યારે રણજીત સાગર ડેમની સપાટી 17 ફૂટે જોવા મળી છે. જ્યારે જામનગર શહેરમાં આવેલ લાખોટા તળાવમાં હજી પણ પાણીની આવક ચાલું છે. જ્યારે મોરબીના 10 ડેમમાંતી 6 ડેમ ઓવરફલો જોવા મળ્યાં છે. 

પોરબંદરની જીવાદોરી સમાન ફોડળા અને ખંભાળા ડેમ ભારે વરસાદ બાદ છલકાયો છે. બંને ડેમમાં હાલ પૂરતા પ્રમાણમાં પાણીની આવક થતા પોરબંદરવાસીઓને બે મહિના માટે પાણીનું સંકટ નડશે નહીં. ફોડળા ડેમમાં  10 ફૂટ પાણીની આવક થઈ છે. જ્યારે ખંભાળા ડેમમાં 8 ફૂટ સુધી પાણીની આવક થઈ છે. મહત્વનું છે કે ગુજરાતમાં ભારે વરસાદ બાદ અનેક જિલ્લાઓમાં પૂરની સ્થિતિ છે.

જ્યારે બીજી તરફ રાજ્યમાં વરસાદનું જોર હવે ઘટી ગયું છે. 15 ઓગસ્ટ સુધી હવે ગુજરાતમાં ભારે વરસાદની કોઈ જ સંભાવના નથી. ઉત્તર ગુજરાત અને સૌરાષ્ટ્રમાં કેટલાક વિસ્તારોમાં હળવો વરસાદ પડી શકે છે. જ્યારે બીજી તરફ મધ્ય ગુજરાત અને કચ્છમાં પણ હળવો વરસાદ પડી શકે છે. 15 ઓગસ્ટ બાદ રાજ્યના કેટલાક જિલ્લામાં ભારે વરસાદ પડી શકે છે.