ભાવનગર / ગ્રામ્ય વિસ્તારોમાં મેઘરાજા મહેરબાન, ધોધમાર વરસાદને પગલે નદીમાં આવ્યા નવા નીર

હવામાન વિભાગની આગાહી

ગુજરાતમાં સાયક્લોનિક સિસ્ટમ સર્જાઈ છે જેને લઈએ હવામાન વિભાગે ગુજરાતમાં વરસાદની આગાહી કરી છે. જેમાં અમદાવાદમાં સામાન્યથી મધ્યમ વરસાદ તેમજ બે દિવસ દક્ષિણ ગુજરાતમાં ભારે વરસાદની આગાહી કરવામાં આવી છે. તો સૌરાષ્ટ્ર કચ્છમાં પણ સામાન્યથી મધ્યમ વરસાદ પડે તેવી સંભાવના છે. 

ભારે વરસાદ ની આગાહી ના પગલે વધુ વરસાદ નર્મદા તાપી સુરત વડોદરામાં પડવાની શક્યતા છે. જેને લઈને ગુજરાત અને મહારાષ્ટ્રના દરિયાકિનારે માછીમારોને દરિયો ન ખેડવા સુચના આપવામાં આવી છે. 

રાજુલા પંથકમાં મેઘમહેર 

અમરેલીમાં મેઘરાજાનું આગમન થયું. રાજુલાના ગ્રામ્ય વિસ્તારમાં ધોધમાર વરસાદ વરસ્યો. તો માંડણ,ડુંગર અને આજુબાજુના ગ્રામ્ય વિસ્તારોમાં પણ વરસાદ પડ્યો હતો. રાજુલાના માંડણ ગામે 1 કલાકમાં 2 ઈંચ જેટલો વરસાદ પડ્યો હતો. વરસાદના પગલે ગામમાં પાણી વહેતા થયા હતા. તો વરસાદ પડતા લોકોને ગરમીથી રાહત મળી હતી.