તારાજી / જામનગર-રાજકોટમાં અનારાધાર, રાજ્યના 159 રસ્તાઓ બંધ, અમદાવાદથી રૅસ્ક્યુ ટીમ રવાના, ખેતરો જાણે દરિયો બન્યા

• સૌરાષ્ટ્રમાં સાંબેલાધાર વરસાદથી જનજીવન અસ્તવ્યસ્ત
• જામનગર અને રાજકોટમાં હાલ બેહાલ
• રાજકોટના લોધિકામાં 18 ઇંચ વરસાદ

રાજકોટમાં પણ ગઈકાલ રાતથી વરસાદ

રાજકોટના લોધિકા તાલુકાના છાપરા ગામે કાર તણાઇ છે. જેનો લાઇવ વીડિયો સામે આવ્યો છે. ત્યારે મળતી માહિતી મુજબ કારમાં 3 લોકો સવાર હતા. અને કારમાંથી એક વ્યક્તિના બહાર કાઢવામાં આવ્યો છે. જ્યારે બે લોકો હજુ પણ અંદર હોવાની આશંકા છે. હાલ રાજકોટ ફાયર બ્રિગેડ જવાનો બચાવ માટે પહોંચ્યા છે.બીજી બાજુ ઉપરવાસમાં થયેલા ભારે વરસાદ બાદ નદી નાળામાં પૂર જેવી સ્થિતિ સર્જાઈ છે. લોધિકાના વીજુડી ગામ પાસે ચેકડેમના પુલ પરથી પસાર થઈ રહેલી કાર તણાઈ ગઈ હતી. કાર પૂરના પ્રવાહમાં તણાઈ હતી. સદનસીબે કાર ચાલક અને અન્ય લોકોનો આબાદ બચાવ થયો હતો.

ધોરાજીનો ભાદર-2 ડેમ ઓવરફ્લો

રાજકોટમાં ધોધમાર વરસાદ પડ્યો છે. રાજકોટના ધોરાજીનો ભાદર-2 ડેમ ઓવરફ્લો થયો છે. ભાદર-2 ડેમના 8 દરવાજા 3 ફૂટ ખોલવામાં આવ્યા છે. અને ભાદર-2 ડેમમાં 72 હજાર ક્યૂસેક પાણીની આવક સામે તેટલી જ જાવક છે. ભાદર-2 ડેમમાંથી પાણી છોડાતા ભાદર નદીમાં ઘોડાપૂર આવ્યું છે. ત્યારે તંત્ર દ્વારા ભાદર નદી નીચે આવતા ગામોને અલર્ટ કરી દેવાયા છે.

રાજકોટના નાઘુના ગામે પશુંઓ તણાયા 

જિલ્લામાં આવેલ નાઘુના ગામમાં ભારે વરસાદને કારણે પૂર આવ્યું જેના કારણે પશુંઓ તણાઈ ગયા છે. નાઘુના ગામમાં પણ જનજીવન ખોરવાયું છે. બીજી તરફ ભારે વરસાદને કારણે જામનગરની નદીઓમાં પણ ઘોડાપૂરની સ્થિતી જોવા મળી છે. જેના કારણે ભારે તારાજી સર્જાઈ છે.

જામનગરમાં ભારે વરસાદથી તારાજી

જામનગરમાં ભારે વરસાદના કારણે તારાજી સર્જાઇ છે. જામનગરમાં અનેક જગ્યાએ પાણી ભરાઇ ગયા છે. સોસાયટીઓમાં પાણી ભરાઇ જતા લોકો ફસાયા છે. કાલાવડમાં સોસાયટીમાં લોકો ફસાઇ જતા NDRF દ્વારા રેસ્ક્યૂની કામગારી કરાઇ છે. NDRFની ટીમ દ્વારા લોકોને બચાવી અને સુરક્ષિત સ્થળે લઇ જવાયા છે.

રાજ્યમાં ભારે વરસાદને લઇ રસ્તાઓ પર પાણી ભરી વળ્યા

• રાજ્યમાં 159 રસ્તાઓ બંધ થયા
• ગ્રામ પંચાયત હેઠળના 130 રસ્તાઓ બંધ
• સ્ટેટ હાઇવેના 28 રસ્તાઓ બંધ
• જામનગરમાં એક નેશનલ હાઇ-વે બંધ

ક્યાં પડ્યો કેટલો વરસાદ!

• રાજકોટના લોધિકામાં 18 ઇંચ વરસાદ
• વિસાવદરમાં 15 ઇંચ વરસાદ
• કાલાવડમાં 14 ઇંચ વરસાદ
• રાજકોટમાં 12 ઇંચ વરસાદ
• ધોરાજીમાં 8 ઇંચ
• કોટડા સાંગાણીમાં 8 ઇંચ
• ગોંડલમાં 7 ઇંચ
• પડધરીમા 7 ઇંચ
• કપરાડામાં 5 ઇંચ
• જૂનાગઢ સીટીમાં 5 ઇંચ
• જૂનાગઢ તાલુકામાં 5 ઇંચ

રાજકોટ જામનગરના રસ્તાઓ બંધ

રાજકોટથી જામનગર જવાનો રસ્તો પણ બંધ થઈ ગયો છે. મેટોડા નજીક રોડ પર પાણી ભરાઇ ગયા જેના કારણે વાહન વ્યવહાર પણ ઠફ થઈ ગયો છે. સાથેજ અટવાયેલા વાહનોનો પણ જમાવડો પણ અહીયા જોવા મળી રહ્યો. ભારે વરસાદને કારણે વર્ષો પછી જામનગરમાં આવી સ્થિતી સર્જાઈ છે.

Rain in Gujarat: જામનગરમાં જુઓ કેવી રીતે જીવના જોખમે જવાનોએ લોકોના જીવ બચાવ્યા

તારાજીના આવા દ્રશ્યો પહેલા ક્યારેય નહીં જોયા હોય

મોટી બાણુંગાર ગામમાં 20 ઈંચ વરસાદ 

બીજી તરફ  મોટી બાણુંગાર ગામમાં પણ એક રાતમાં 20 ઇંચથી વધુ વરસાદ પડતા ગામ બેટમાં ફેરવાયું છે. ગામના તમામ રસ્તાઓ પર નદી જેવા દ્રશ્યો જોવા મળી રહ્યાં છે.મોટાભાગના વિસ્તારમાં પાણી ભરાઇ ગયા છે. અતિભારે વરસાદના કારણે ગામમાં મકાનોમાં પાણી ઘૂસી ગયા છે. કોની ઘરવખરી અને સામાન પલળી ગયો છે. તો બીજી ગામ લોકોનું રેસ્ક્યૂ કરવા તંત્રએ કવાયત શરૂ કરી છે. NDRFની ટીમ રવાના કરવામાં આવી છે...ભારે વરસાદથી ગામમાં અનેક લોકો ફસાયા છે. 

રેલ્વે વ્યવહાર પણ ઠપ 

જિલ્લાના ફલા ગામ સહિત અનેક ગામોમાં પાણી ભરાઈ ગયા હતા.ઠેર-ઠેર પાણી ભરાવાને કારણે સ્થાનિકો પરેશાન થઈ ગયા છે. ભારે વરસાદને કારણે અલિયાબાડા અને વંથલી વચ્ચેનો રેલવે ટ્રેક ધોવાયો. જેના કારણે ટ્રેન ટ્રેન વ્યવહાર રોકી દેવાયો કારણકે રેલવે ટ્રેક ઉપર ફરી વળ્યા પાણી. 

આકાશી આફતે તારાજી સર્જી 

સૌરાષ્ટ્રમાં વહેલી સવારથી ભારે વરસાદને કારણે ભયંકર સ્થિતી સર્જાઈ છે. અહીયા અત્યાર સુધીમાં 20 થી 22 ઈંચ જેટલો વરસાદ પડી ચુક્યો છે. ખાસ કરીને જામનગર જિલ્લામાં આકાશી આફતે હવે તારાજી સર્જી છે. જામનગરમાં સવારથી પડી રહેલા ધોધમાર વરસાદે અનેક ગામને બેટમાં ફેરવાઈ ગયા છે. જેમા બાંગા ગામમાં તો ભારે વરસાદને કારણે હેલિકોપ્ટરથી લોકોનું રેસક્યું કરવામાં આવ્યું હતું,. 

હવામાન વિભાગે કરી આગાહી 

સમગ્ર ગુજરાતમાં મેઘરાજા છેલ્લા ઘણા દિવસોથી મહેરબાન થયા છે ત્યારે અમદાવાદમાં પણ આજે વહેલી સવારથી વરસાદ પડી રહ્યો છે. શહેરના અનેક વિસ્તારોમાં વ્યાપક વરસાદ જોવા મળ્યા છે. જેના કારણે નવરંગપુરા, નારણપુરા, વસ્ત્રાપુર અને બોડકદેવ જેવા વિસ્તારોમાં પાણી ભરાઈ ગયા હતા. 

4 થી 5 દિવસ રહેશે વરસાદ 

હવામાન વિભાગની આગાહી પ્રમાણે હજું પણ ગુજરાતમાં 4 થી 5 દિવસ વરસાદી માહોલ રહી શકે છે. જેમા દક્ષિણ ગુજરાત અને સૌરાષ્ટ્રમાં ભારે વરસાદની શક્યતા છે. સાતેજ મધ્ય ઉત્તર ગુજરાતમાં પણ  હળવાથી ભારે વરસાદની આગાહી કરવામાં આવી છે. 

પેલા જ દિવસે CM પટેલે યોજી સમીક્ષા બેઠક

મુખ્યમંત્રી ભૂપેન્દ્ર પટેલે આજે મુખ્યમંત્રી તરીકેનો પદભાર સંભાળ્યા બાદ  સૌ પ્રથમ દિવસે જ એક ઉચ્ચ સ્તરીય બેઠક યોજીને સૌરાષ્ટ્ર  અને ખાસ કરીને જામનગર રાજકોટ જિલ્લા અને શહેરમાં ભારે વરસાદ ને કારણે સર્જાયેલી પરિસ્થિતિ ની સમીક્ષા કરી હતી.CMએ જામનગર ના કલેકટર સાથે ટેલિફોન પર વાતચીત કરીને  બચાવ અને રાહત કામગીરી તેમજ પાણીમાં ફસાયેલા લોકો ને NDRFની  મદદથી સ્થળાંતર કરવા ની સ્પષ્ટ સૂચનાઓ આપી હતી.