રાજ્યમાં હવામાન વિભાગ દ્વારા આપવામાં આવેલી ભારે વરસાદની આગાહી વચ્ચે પોરબંદર શહેર અને જિલ્લામાં મેઘમહેર જોવા મળી રહી છે. ભારે વરસાદના પગલે શહેર તેમજ જિલ્લામાં નીચાણવાળા વિસ્તારો પાણીમાં ગરકાવ થઇ ગયા છે. જ્યારે મીણાસાર નદી બે કાંઠે વહેતી જોવા મળી છે જ્યારે ભાદર નદીમાં ભાદર-2 ડેમનું પાણી છોડવામાં આવ્યું છે.
પોરબંદરના કુતિયાણાની ભાદર નદી ગાંડીતૂર
પોરબંદર શહેર અને જિલ્લામાં સતત અવિરત વરસાદ
ભારે પવન અને વીજળીના કડાકા સાથે વરસાદ
પોરબંદર શહેરમાં ભારે વરસાદ
પોરબંદરમાં ધોધમાર વરસાદ વરસી રહ્યો છે. ભારે વરસાદને કારણે નીચાણવાળા વિસ્તારમાં પાણી ભરાયાં છે. સુદામાં ચોક, બિરલા, રોડ ખીજળી, પ્લોટ સહિતના વિસ્તારો પાણી ભરાયાં છે. ભાદર ઓઝતના પાણી ગામોમાં ઘુસ્તા તમામા વિસ્તારો પાણીમાં ગરકાવ થયાં છે. સમગ્ર ઘેડ પંથકના મોટા ભાગના વિસ્તારોમાં પાણી ભરાયાં છે.
પોરબંદર જિલ્લામાં સાર્વત્રિક વરસાદ
પોરબંદર જિલ્લામાં સતત વરસાદ પડી રહ્યો છે. ભારે પવન અને વીજળીના કડાકા સાથે ભારે વરસાદ પડી રહ્યો છે. કુતિયાણામાં 2 ઇંચ, પોરબંદરમાં 3 ઇંચ અને રાણાવાવમાં 4 ઇંચ જેટલો વરસાદ પડ્યો છે. વરસાદના કારણે પોરબંદરમાં શાળાઓમાં રજા જાહેર કરી દેવાઇ છે. પોરબંદરમાં આજે અને હજુ આગામી બે દિવસ સુધી શાળાઓમાં રજા આપી દેવાઇ છે. વરસાદના કારણે પોરબંદર જિલ્લા શિક્ષણ અધિકારી દ્વારા આ નિર્ણય લેવાયો છે.
પોરબંદરમાં સતત વરસાદથી મીણાસાર નદી બે કાંઠે વહી
પોરબંદરમાં સતત ધોધમાર વરસાદ વરસી રહ્યો છે. ભારે વરસાદ થતાં રાણા કંડોરાણા ગામની મીણસાર નદીમાં નવા નીર આવ્યા છે. પાણીની આવક થતાં મીણસાર નદી બે કાંઠે વહેતી થઈ છે. વરસાદ થતા નદી નાળા છલકાયા છે.
પોરબંદરના કુતિયાણાની ભાદર નદી ગાંડીતૂર
પોરંબદર શહેરમાં પડી રહેલા અવિરત વરસાદના પગલે કુતિયાણાની નદી ગાંડીતૂર બની છે. ભાદર નદીમાં ભાદર-2 ડેમનું પાણી છોડવામાં આવ્યું છે. ત્યારે ઘેડ વિસ્તારના ગામોમાં પાણી ભરાયેલા જોવા મળી રહ્યાં છે. જેમાં થેપડા, માંડવા, ભાદર, કાંઠા, નયડ વિસ્તારમાં પાણી ભરાયા છે. જેને લઇને રેસ્કયુ માટે NDRFની ટીમ બોલાવવામાં આવી છે.
રાજ્યમાં આગામી ત્રણ દિવસ ભારે વરસાદની આગાહી
રાજ્યમાં નવરાત્રી 2019નો ગઇકાલથી પ્રારંભ થઇ ગયો છે. પરંતુ બીજી તરફ હવામાન વિભાગ દ્વારા આગામી ત્રણ દિવસ એટલે 2 ઓક્ટોબર સુધી ગુજરાત પર વસાદી સિસ્ટમ સક્રિય થઇ છે. જેને લઇને નવરાત્રીમાં વરસાદથી ગરબા આયોજકો અટવાયા છે.