રેવન્યુ અને પોલીસની ટીમે સ્થાનિકોની મદદથી બાળકોનું રેસ્ક્યુ કર્યું
પોરબંદર જિલ્લામાં આજે સવારથી જ ભારે વરસાદ ખાબકી રહ્યો છે. પોરબંદર તાલુકામાં દોઢ ઈંચ ,રાણાવાવ અને કુતિયાણા તાલુકામાં સાડા ત્રણ ઇંચ જેટલો વરસાદ નોંધાયો હતો.સામાન્ય વરસાદ પડતાં પોરબંદર શહેરના સર્કિટ હાઉસ નજીક વરસાદી પાણી ભરાયા હતા. એક તરફ જિલ્લામાં સાર્વત્રકિ વરસાદ પડતાં લોકોમાં આનંદ ની લાગણી જોવા મળી રહી છે. તો બીજી તરફ અનેક વિસ્તારોમાં જળબંબાકાર થતાં તારાજીના પણ દ્રશ્યો સર્જાયા છે.
ભોરસર સીમ શાળાની બહાર ભરાયુ હતું પાણી
પોરબંદરના રાણાવાવમાં આવેલી ભોરસર સીમ શાળામાંથી 80 જેટલા બાળકોનું રેસ્ક્યુ કરવામાં આવ્યા છે. વોકળામાં પાણી આવતા બાળકો પરત જઈ શકે તેમ ન હતા. જે બાદ રેવન્યુ અને પોલીસની ટીમે સ્થાનકિોની મદદથી બાળકોને સુરક્ષિત સ્થળે લઈ જવાનું વિચાર્યું હતું. જે બાદ ટ્રેક્ટરમાં બેસાડી બાળકોને સલામત સ્થળે ખસેડવામાં આવ્યા હતા.
ગોમતી ઘાટના નયન રમ્ય દ્રશ્યો
આ દ્રશ્ય છે દ્વારિકાનગરીના. જ્યાં ધોધમાર વરસાદ બાદ રમણીય દ્રશ્ય સર્જાયા હતા. ભારે ગોમતી ઘાટ કિનારે જ્યાં નદી અને સમુદ્રનું સંગમ થાય છે. ત્યાં આ વરસાદી પાણી ભળી રહ્યા છે. વરસાદ એટલો ધોધમાર હતો કે દ્વારકિાનાથના દર્શન કરવા આવેલા ભક્તોએ પણ વરસાદમાં ભિંજાવાની મજા માણી હતી.દ્વારકાના કલ્યાણપુર અને ખંભાળિયામાં સતત ધોધમાર વરસાદ વરસ્યો હતો. બાદમાં નદીનાળા પણ છલકાયા હતા. ચૂર, વડતરા, સોનારડી, મેવાસામાં નદીમાં નવા નીર આવ્યા હતા. તો કેટલાક ચેકડેમ ઓવરફ્લો થયા હતા.ખેતરોમાં પણ ઢીંચણસમા પાણી ભરાઈ જતાં ખેતીને ભારે નુકસાન થયું હતું.. દ્વારકાના ભાટિયાની મુખ્ય બજારમાં માર્ગો પર પાણી ભરાતા વાહન ચાલકોને ભારે હાલાકી પડી હતી.
દરિયામાં લો પ્રેશર
દ્વારકાના ગ્રામ્ય વિસ્તારોમાં પણ ધોધમાર વરસાદ વરસ્યો હતો. ખંભાળિયામાં ભારે વરસાદ બાદ નદી નાળા છલકાઈ ગયા હતા.. તો સામોર ગામનો ડેમ ઓવરફ્લો થતાં નદીમાં ઘોડાપૂર આવ્યું હતું. તો કેટલાક લોકો જીવ જોખમમાં મુકીને નદીક્રોસ કરતા પણ નજરે પડયા હતા. આ તો હજુ શરૂઆત છે.. દ્વારકા જિલ્લામાં હવામાન વિભાગે ઓરેન્જ અલર્ટ જાહેર કર્યું હતું. દરિયામાં લો પ્રેશર છે.. 7થી 9 જુલાઈ દરમિયાન દ્વારકામાં ભારેથી અતિભારે વરસાદ થવાની પણ શક્યતા છે.
જૂનાગઢ: વિલિંગ્ડન ડેમ ઓવરફલો
જૂનાગઢમાં પણ કુદરત સોળે કળાએ ખીલી ઉઠયું હતું.. જૂનાગઢના દાતાર ડુંગર પર ધોધમાર વરસાદ બાદ ધોધ સજીવન થયા હતા. ઉપલાદાતાર ટેકરી પર ભારે વરસાદથી ઝરણા વહેતા થતાં મનમોહક દ્રશ્ય સર્જાયા હતા.. આ તરફ માળિયાહાટીનામાં ધોધમાર વરસાદ થતાં મેઘલ નદીમાં ઘોડાપૂર આવ્યું હતું..જૂનાગઢમાં ભારે વરસાદ બાદ સોનરખ નદીમાં પણ ઘોડાપૂર આવ્યું હતું. તો જોશીપરામાં રેલવે અંડર પાસમાં પાણી ભરાયા હતા. જૂનાગઢમાં 2 કલાકમાં 4 ઈંચ વરસાદ વરસતા પાણી ભરાઈ ગયા હતા. જ્યારે માણાવદરના જીજરી ગામમાં ભારે વરસાદ બાદ ગામ બેટમાં ફેરવાયું હતું. ધૂંધવી અને ખરા નદીનું પાણી ગામમાં ફરી વળતા જીજરી ગામ સંપકા વિહોણું બન્યું હતું. .ભારે વરસાદને કારણે શહેરને પાણી પુરૂ પાડતો વિલિંગ્ડન ડેમ પ્રથમ વરસાદમાં જ ઓવરફલો થયો છે.ડેમ ઓવરફલો થતો ખેડૂતોમાં ખુશીની લહેર જોવા મળી છે.
રાજ્યમાં આગામી 5 દિવસ સાર્વત્રિક વરસાદની આગાહી
6 થી 8 જુલાઈ સુધી ગુજરાતમાં સાર્વત્રિક વરસાદની શક્યતા
ઉત્તર ગુજરાતના બનાસકાંઠા, સાબરકાંઠા, મહીસાગર, દાહોદમાં થશે વરસાદ
8 અને 9 જુલાઈએ અતિ ભારે વરસાદની હવામાન વિભાદની આગાહી
દક્ષિણ ગુજરાત, મધ્ય ગુજરાત અને સૌરાષ્ટ્રમાં વરસાદની શક્યતાઓ
દક્ષિણ અમદાવાદ ભારે વરસાદની, શહેરી વિસ્તારમાં છૂટા છવાયા વરસાદની શક્યતા
સૌરાષ્ટ્ર અને કચ્છમાં આવતીકાલે સામાન્ય વરસાદ થશે
આગામી પાંચ દિવસમાં ગુજરાતમાં સારા વરસાદની આગાહી
મધ્યપ્રદેશમાં લો પ્રેશર સિસ્ટમ સક્રિય થતા રાજ્યમાં થશે ભારે વરસાદ
આગામી પાંચ દિવસ સુધી માછીમારોને દરિયો ન ખેડવા સૂચનો કરાયા
અમરેલી: ઠેબી નદીમાં ઘોડાપૂર
અમરેલીમાં પણ આજે મેઘો મન મુકીને વરસ્યો હતો. બેથી ત્રણ ઈંચ વરસાદ બાદ બાબરાનીકાળુભાર નદીમાં પૂર આવ્યું હતું.. તો બાબરાના પાંચાળ પંથકમાં ભારે વરસાદ બાદ ઠેબી નદીમાં ઘોડાપૂર આવ્યું હતું. જેનાકારણે બેઠો પુલ બંધ થઈ જતાં વાહન વ્યવહાર ખોરવાયો હતો. તો પૂરને જોવા માટે સ્થાનકિ લોકો ઉમટયા હતા. ચમારડી અને ચરખા ગામનો માર્ગ બંધ થતા બન્ને ગામ વચ્ચેનો સંપકા કપાયો હતો.
રાજકોટમાં 2 ઈંચથી વધુ,
રાજકોટમાં પણ 1 કલાકમાં 2 ઈંચથી વધુ વરસાદ પડતાં શહેરના માર્ગો પર પાણી ફરી વળ્યા હતા.તો રેસકોર્સ રિંગ રોડ પર બાળકો પાણીમાં મસ્તી કરતા નજરે પડયા હતા. અહીં લોકો વરસાદમાં ન્હાવાની મજા માણી રહ્યા હતા.. લોધકિાના વાજડી, મેટોડા, રાતૈયા, ચીભડા, ગામમાં વરસાદ વરસ્યો હતો. તો રાજકોટના મવડી ચોકડી પાસે ભારે પાણી ભરાતા અનેક વાહનો બંધ પડી ગયા હતા.ભાવનગર શહેર અને મહુવા પંથકમાં ભારે વરસાદ થયો હતો.તો મહુવાના મુખ્ય માર્ગો પર પાણી ભરાઈ જતાં લોકોને ભારે હાલાકીનો સામનો કરવો પડયો હતો. આ દરમિયાન એક બાઈક ચાલક ખાડાનાકારણે નીચે પડયા હતા. જોકે સ્થાનકિોએ મદદ કરીને બાઈક ચાલકને બહાર કાઢયા હતા.
ક્યાં ક્યાં વરસ્યો વરસાદ?
આ તરફ બોટાદમાં પણ ભારે વરસાદ પડયો હતો. ગઢડા શહેર અને ગ્રામ્ય પંથકમાં મૂશળધાર વરસાદ પડયો હતો. ગઢડા, ગુંદાળા, રાણીયાલ, ઢસા, પીપરડી ગામમાં ભારે વરસાદ પડતાં ખેતરોમાં પાણી ફરી વળ્યા હતા.જેનાકારણે સ્થાનકિ નદીમાં પૂર આવતાં નદી બેકાંઠે વહેવા લાગી હતી. તો બોટાદમાં પ્રાથમકિ આરોગ્ય સેન્ટરમાં પણ પાણી ફરી વળ્યા હતા. પોરબંદર જિલ્લામાં પણ વરસાદી માહોલ જામ્યો હતો. પોરબંદરના રાણાવાવ, કુતિયાણા, બરડા અને ઘેડ પંથકમાં ભારે વરસાદ થયો હતો. તો પોરબંદર શહેરના અનેક વિસ્તારો પાણીતી તરબોળ થયા હતા. પોરબંદરનો સમુદ્ર પણ તોફાની જોવા મળ્યો હતો. સમુદ્રમાં ભારે કરંટ હોવાથી ઉંચા મોજા ઉછળ્યા હતા.. તો સ્થાનકિ લોકોને સમુદ્ર કિનારે ન જવા માટે પણ અપીલ કરાઈ હતી.આ ઉપરાંત રાજ્યમાં મોરબી અને કચ્છના મુંદ્રા અને માંડવીમાં પણ ભારે વરસાદ થયો હતો. રાજ્યમાં હવે ચોમાસું જામી રહ્યું છે.. ત્યારે હવામાન વિભાગે આગામી 10 જુલાઈ સુધીમાં રાજ્યભરમાં ભારે વરસાદની આગાહી પણ કરી છે. તો બીજી તરફ વરસાદથી ખેડૂતોના ચહેરા પર પણ ખુશીની લાગણી છવાઈ છે.