આ વખતે ચોમાસુ પૂરુ થવાને ટાણે જોર કરી રહ્યુ છે. બંગાળની ખાડીમાં પ્રેશર સર્જાવાના કારણે પાછોતરો વરસાદ વરશસે. આ વરસાદ હજુ ઓક્ટોબરના બીજા અઠવાડિયા સુધી વરસશે. ત્યારે ખૈલૈયાઓના રંગમાં ભંગ પડશે. ગરબા આયોજકો પણ અવઢવમાં.
નવરાત્રીમાં ખેલતા ખેલૈયાઓ માટે માઠા સમાચાર
સિઝનનો 121 ટકા વરસાદ વરસી ચૂક્યો
બનાસકાંઠા અને સાબરકાંઠામાં પણ વરસાદની ફરીથી નવી ઈનિંગ શરૂ
હવામાન ખાતાએ ગુજરાતમાં 29, 30 અને 1 લી ઓક્ટોબરે ભારેથી અતિભારે વરસાદની આગાહી આપી છે. જેને પગલે ખેલૈયા અને ગરબા આયોજકોમાં થોડો ખચકાટ જોવા મળી રહ્યો છે. જો કે કેટલાક આયોજકો રેઈન ગરબા યોજે તેવું બની શકે.
નવરાત્રીમાં ખેલૈયાઓએ રેઈન ગરબા રમવા પડશેઃ હવામાન વિભાગ
વરસાદને લઇ નવરાત્રીમાં ખેલતા ખેલૈયાઓ માટે પણ માઠા સમાચાર આવ્યાં છે. નવરાત્રી દરમિયાન હળવાથી ભારે વરસાદની હવામાન વિભાગે આગાહી કરી છે. નવરાત્રીમાં ગુજરાતમાં હળવાથી ભારે વરસાદ આવી શકે છે. દક્ષિણ ગુજરાત, સૌરાષ્ટ્ર-કચ્છમાં વરસાદ આવે તેવી શક્યતા છે. નવરાત્રીનાં શરૂઆતનાં જ દિવસોમાં વરસાદ આવી શકે છે. આ દરમિયાન સૌરાષ્ટ્ર-કચ્છમાં વરસાદ સાથે વાવાઝોડાની પણ સંભાવના છે. જો કે વરસાદનાં કારણે સૌરાષ્ટ્ર-કચ્છમાં ખેતીને પણ નુકસાન થઈ શકે છે.
પાછોતરો વરસાદ વધુ આવશે તો રોગચાળાની ભીતિ
આ વખતે સિઝનનો 121 ટકા વરસાદ વરસી ચૂક્યો છે. તેમ છતાંય હજુ વરસાદ આવશે. જો કે આ વરસાદને લીધે ખેડૂતોમાં ખુશીનો માહોલ છે પણ સામે પક્ષે જો આ પાછોતરો વરસાદ ખેંચાઈ જશે તો પૂર અને રોગચાળાની પણ ભીતિ સેવાઈ રહે છે.
અમદાવાદમાં આજે ગાજવીજ સાથે વરસાદ
અમદાવાદમાં આજે ચાર વાગ્યાની આસપાસ વરસાદ શરૂ થયો હતો જો કે મધ્ય ગુજરાત અને સૌરાષ્ટ્ર તેમજ દ.ગુજરાતમાં વરસાદનું જોર વધ્યુ હતુ. વડોદરામાં છેલ્લા કેટલાક દિવસોથી વરસાદી વાદળા હટવાનું નામ જ નથી લઈ રહ્યા તો બનાસકાંઠા અને સાબરકાંઠામાં પણ વરસાદે ફરીથી નવી ઈનિંગ શરૂ કરી હતી.