વરસાદ / કચ્છમાં બારે મેઘ ખાંગા, કઠડા ગામ બેટમાં ફેરવાયું, ઝરણાઓ થયાં સજીવન, માંડવીમાં મેઘમહેર

કચ્છમાં મેઘરાજાની ધમાકેદાર એન્ટ્રી

કચ્છમાં મેઘરાજાની ધમાકેદાર એન્ટ્રી થઇ છે. જિલ્લાના અનેક વિસ્તારમાં ભારે વરસાદ પડ્યો છે. ત્યારે વરસાદી પાણીથી ધોધના નયનરમ્ય દ્રશ્યો સર્જાયા છે. ભુજના મોટાબંધમાં ધોધના નયનરમ્ય દ્રશ્યો સર્જાયા છે.

કચ્છના માંડવીમાં સતત બે દિવસથી ભારે વરસાદ

કચ્છના માંડવીમાં છેલ્લા 2 દિવસથી સતત વરસાદ વરસી રહ્યો છે. માંડવીમાં વરસાદ થતા લોકોના ઘરમાં પાણી ઘૂસ્યા છે.  જિલ્લાના અનેક નદી-નાળામાં પાણીની આવક થઈ છે. રસ્તા પર પાણી વહેતા વાહન ચાલકોને પરેશાની થઈ છે. માંડવીમાં આજે 6 ઈંચ વરસાદ નોંધાયો છે. રવિવારે માંડવી 7 ઈંચ વરસાદ નોંધાયો હતો. માંડવી તાલુકામાં આજે મુશળધાર વરસાદ વરસી રહ્યો છે.  અબડાસામાં આજે દોઢ ઈંચ વરસાદ નોંધાયો.

 

સુથરી ગામમાં નદીના પાણી ગામમાં ફરી વળ્યાં

કચ્છ જિલ્લામાં પણ મેઘો મહેરબાન થયો છે. કચ્છના અબડાસામાં મેઘરાજા મહેરબાન થયા છે. ભારે વરસાદના કારણે નદીમાં પૂરની સ્થિતિ સર્જાઇ છે. સુથરી ગામમાં નદીના પાણી ગામમાં ફરી વળ્યા છે.

કોઠારા ગામમાં પણ ફરી વળ્યા વરસાદી પાણી

કચ્છમાં છેલ્લા 48 કલાકથી વરસાદની તોફાની બેટિંગ જોવા મળી રહી છે. કચ્છના અબડાસા તાલુકામાં ધોધમાર વરસાદ પડ્યો છે. જેને લઇને કોઠારા ગામમાં વરસાદી પાણી ફરી વળ્યાં છે. કોઠારા પાસેથી પસાર થતાં ઝરણાઓ સજીવન થયેલા જોવા મળ્યાં. સુકા ભઠ કચ્છની ધરતીમાં ઝરણાઓ વહેતા થયા છે. કોઠારા ગામમાં વરસાદી પાણી ભરાયેલાં જોવા મળ્યાં છે. 

ભારે વરસાદથી કાઠડા ગામ બેટમાં ફેરવાયું

કચ્છ જિલ્લામાં બારે મેઘ ખાંગા થયા છે. ભારે વરસાદથી કાઠડા ગામ બેટમાં ફેરવાયું છે. ઉપરવાસમાં ભારે વરસાથી નદીમાં પૂર આવ્યું છે. નદીમાં પૂર આવતા કાઠડા ગામમાં પાણી ફરી વળ્યું છે.
નીચાણવાળા વિસ્તારોમાં વરસાદી પાણી ભરાતા લોકોને ભારે હાલાકી ભોગવવાનો વારો આવ્યો છે. પાણીમાં ફસાયેલા લોકોનું રેસ્ક્યૂ કરવામાં આવ્યું છે.

માંડવીમાં મુશળધાર વરસાદ,  રૂકમાવતી નદીમાં પૂરની સ્થિતિ

કચ્છ જિલ્લામાં મેઘરાજા મહેરબાન થયા છે.  જિલ્લામાં અનેક જગ્યાએ ધોધમાર વરસાદ વરસી રહ્યો છે. માંડવીમાં પણ મુશળધાર વરસાદ વરસ્યો છે. ભારે વરસાદથી રૂકમાવતી નદીમાં પૂરની સ્થિતિ સર્જાઇ છે. માંડવી સહિત ઉપરવાસમાં ભારે વરસાદથી નદી બે કાંઠે વહી રહી છે.