હવામાન વિભાગ / 2 દિવસ હજુ 'મેઘો મંડાશે', ગુજરાતમાં ચાલુ વર્ષે 109.9 ટકા વરસાદ

રાજ્યના કેટલાક ભાગો પર હજુ વરસાદી સિસ્ટમ સક્રિય છે. આગામી 48 કલાક અનેક વિસ્તારોમાં વરસાદ થશે. જેને લઈને હવામાન વિભાગે દક્ષિણ ગુજરાત અને મધ્ય ગુજરાત, ઉત્તર ગુજરાત અને સૌરાષ્ટ્રમાં ભારે વરસાદની આગાહી કરી છે. જેમાં નવસારી, વલસાડ, પંચમહાલ, દાહોદ, સુરત, વડોદરા, અમદાવાદમાં ભારે વરસાદની શક્યતા છે. દરીયાકાંઠાના જિલ્લાઓમાં પણ વરસાદી માહોલ યથાવત રહેશે. મહત્વનું છે કે, રાજકોટ, અમદાવાદ, અરવલ્લી, વલસાડ, મોરબી, દ્વારકા સહિતના અનેક વિસ્તારોમાં સોમવારે વરસાદ વરસ્યો હતો.

રાજકોટમાં વરસાદે 70 વર્ષનો રેકોર્ડ તોડ્યો

સોમવારે રાજકોટમાં વરસાદે 70 વર્ષનો રેકોર્ડ તુટ્યો છે. હજુપણ શહેર અને ગ્રામ્ય વિસ્તારમાં વરસાદ થયો છે. 2 કલાકમાં ધોધમાર 2 ઇંચ વરસાદ પડ્યો છે. શહેરમાં ચાલુ વર્ષે મોસમનો કુલ 56 ઇંચ વરસાદ થયો છે. અગાઉ 2010માં 55.50 ઇંચ વરસાદ નોંધાયો હતો. 2019માં 56 ઇંચ વરસાદ નોંધાતા 70 વર્ષ રેકોર્ડ તૂટ્યો છે.

ગુજરાતમાં ચાલુ વર્ષે 109.9 ટકા વરસાદ

ગુજરાતમાં મેઘરાજાએ મહેર વરસાવી છે. ચાલુ વર્ષે ગુજરાતમાં 109.9 ટકા વરસાદ પડી ચુક્યો છે. અહીં જુદા જુગા વિસ્તારોની વાત કરવામાં આવે તો અમદાવાદમાં 25 ઈંચ, સાણંદમાં 30 ઇંચ, ખેડાના મહુધામાં 41 ઈંચ, ખેડામાં 26 ઈંચ, આણંદંમાં 45 ઈંચ વરસાદ પડ્યો છે. તો વડોદરામાં 66 ઈંચ, ડભોઈમાં 55 ઈંચ, છોટાઉદેપુરમાં, 77 ઈંચ, કવાંટમાં 83 ઈંચ, જાંબુઘોડામાં 61 ઈંચ અને બાલાસિનોરમાં 30 ઈંચ વરસાદ પડી ચુક્યો છે. દાહોદમાં 33 ઈંચ, અબડાસામાં 29 ઈંચ, નખત્રાણામાં 30 ઈંચ, મહેસાણામાં    30 ઈંચ, સતલાસણામાં    33 ઈંચ અને પોસીનામાં 42 ઈંચ વરસાદ નોંધાયો છે. 

આ ઉપરાંત હિંમતનગરમાં 37 ઈંચ, દાંતામાં33 ઈંચ, મોડાસામાં 31 ઈંચ, ગાંધીનગરમાં 19 ઈંચ વરસાદ પડ્યો છે. જ્યારે સુરેન્દ્રનગરના ચુડામાં 37 ઈંચ, રાજકોટમાં 54 ઈંચ, વિસાવદરમાં 56 ઈંચ, જૂનાગઢમાં 35 ઈંચ, તાલાલામાં 47 ઈંચ, અમરેલીમાં 31 ઈંચ, ભાવનગરમાં 38 ઈંચ, મોરબીમાં 32 ઈંચ, જામનગરમાં 38 ઈંચ, દેવભૂમિ દ્વારકામાં 19 ઈંચ, પોરબંદરમાં 28 ઈંચ, બોટાદમાં 35 ઈંચ, ભરૂચમાં 51 ઈંચ અકલેશ્વરમાં 52 ઈંચ વરસાદ નોંધાયો છે.

તો આ વર્ષે ડેડિયાપાડામાં 59 ઈંચ, સોનગઢમાં 68 ઈંચ, સુરતમાં 58 ઈંચ, સુરતના માંગરોળમાં 99 ઈંચ, ખેરગામમાં 93 ઈંચ, વાપીમાં 122 ઈંચ, ધરમપુરમાં 102 ઈંચ અને વઘીમાં 131 ઈંચ વરસાદ નોંધાયો છે.