આજે સૌરાષ્ટ્રમાં ભારે વરસાદ પડવાની હવામાન વિભાગે આગાહી કરી છે. હવામાન વિભાગનું કહેવું છે કે, દક્ષિણ ગુજરાત અને પૂર્વ ગુજરાતમાં પણ વરસાદની શક્યતા છે. આગામી બે દિવસમાં સમગ્ર ગુજરાતમાં ભારે વરસાદ પડવાની શક્યતા છે.
હવામાન વિભાગે બે દિવસ માટે ગુજરાતમાં અલર્ટ જાહેર કર્યું છે. હવામાન વિભાગના ડિરેક્ટર જયંત સરકારનું કહેવું છે કે, અત્યાર સુધી સિઝનનો 10 ટકા વરસાદ નોંધાઈ ચુક્યો છે. આ વરસાદ ખેડૂતો માટે લાભદાયી છે.
મહત્વનું છે કે, ગુજરાતમાં ભારે વરસાદની આગાહીને પગલે NDRFની ટીમ સ્ટેન્ડ બાય રાખવામાં આવી છે. દક્ષિણ ગુજરાત અને સૌરાષ્ટ્રમાં ભારે વરસાદની આગાહી કરવામાં આવી છે. ત્યારે રાજ્યમાં NDRFની 15 ટીમને સ્ટેન્ડ બાય રાખવામાં આવી છે.
જેમાં સુરત, ભાવનગર અને વલસાડમાં NDRFની 1-1 ટીમ સ્ટેન્ડ બાય રાખવામાં આવી છે. જ્યારે રાજકોટ અને ગાંધીનગરમાં 2-2- ટીમ સ્ટેન્ડ બાય રખાઈ છે. તો વડોદરા હેડક્વાર્ટરમાં 7 ટીમ સ્ટેન્ડ બાય રાખવામાં આવી છે.