સમગ્ર રાજ્યમાં વરસાદી માહોલ જામ્યો છે. કડાકા ભડાકા સાથે તોફાની પવન અને વીજળીઓ વચ્ચે ભરપુર વરસાદ વરસ્યો હતો. અમદાવાદ સહિત રાજ્યમાં તમામ જિલ્લામાં મેઘાએ મહેર કરી હતી. જાણો ક્યાં કેવો પડ્યો હતો વરસાદ.
વરસાદી માહોલમાં લોકોએ માણી ઠંડક
ઠંડક પ્રસરી ગઈ છે
રાજ્યભરમાં વરસાદ
અમદાવાદ શહેરમાં મોડીરાત્રે વરસાદ
વીજળીના કડાકા સાથે વરસ્યો વરસાદ હતો. શહેરમાં તોફાની પવન સાથે ધોધમાર વરસાદ તુટી પજડ્યો હતો. ખોખરા, હાટકેશ્વર, અમરાઈવાડીમાં વરસાદ વરસ્યો હતો. મણિનગર, નારોલ, લાંભા, ઈસનપુર, ઘોડાસર, વટવા, ગોતા, ચાંદલોડિયા, ચાંદખેડા, સેટેલાઈટ, વસ્ત્રાપુર, રાણીપ, જોધપુર ગામ, શ્યામલ, આંબાવાડીમાં પણ વરસાદ આવ્યો હતો.
અમરેલીમાં ખેડૂતો ખુશ ખુશ
અમરેલીમાં ભારે વરસાદ થતા અનેક વિસ્તારમાં પાણી ભરાયા છે. ભારે વરસાદ થતા ખેતરોમાં પાણી ભરાયા છે.. વરસાદ થતા જિલ્લાની નદીઓમાં નવા નીર આવ્યા છે. પાણીની આવક થતા નાવલી નદી બે કાંઠે વહેતી થતા ખેડૂતોમાં ખુશીનો માહોલ જોવા મળ્યો છે
સુરતમાં ધોધમાર વરસાદ
સુરત જિલ્લાના ઓલપાડ તાલુકામાં વરસાદ, કીમ, કુડસદ, કઠોદરામાં વરસ્યો વરસાદ, રાત્રીથી વહેલી સવાર સુધી વરસ્યો ધોધમાર વરસાદ પડ્યો હતો. હજુ પણ આકાશમાં છવાયા કાળા ડિબાંગ વાદળો છવાયેલા છે. અડાજણ ,રાંદેર, અઠવાલાઇન્સ, પાલ, નાનપુરા સહિતના વિસ્તારોમાં વરસાદ પડ્યો હતો. વરસાદ ને લઇ સમગ્ર સુરતમાં ઠંડક પ્રસરી ગઈ હતી.
ભરૂચમાં ભરપુર વરસાદ
સમગ્ર રાજ્યમાં વરસાદી માહોલ જામ્યો છે. ભરૂચ જિલ્લા અનેક જગ્યાએ વરસાદી મહોલ જોવા મળી રહ્યો છે. ભરૂચ જિલ્લાના તાલુકાઓમાં વરસાદી માહોલ છે. હાંસોટ, જંબુસર, નેત્રંગમાં વરસાદ પડ્યો છે. તો વાગરા, વાલિયા અને ઝઘડિયા વિસ્તારમાં પણ વરસાદ થયો છે. વલસાડ જિલ્લામાં વિરામ બાદ ફરી વરસાદ શરૂ. વહેલી સવારે જિલ્લાના અનેક વિસ્તારોમાં વરસાદ શરૂ થયો છે. વરસાદને લઈ સમગ્ર વિસ્તારમાં ઠંડક પ્રસરી ગઈ છે.
પોરબંદરમાં ઝાપટુ
રાજ્યમાં વરસાદી માહોલ જામ્યો છે.ત્યારે પોરબંદર શહેરમાં પણ વરસાદી ઝાપટુ પડ્યું છે. શહેરના સુદામા ચોક, MG રોડ પર વરસાદ પડ્યો છે. વરસાદના કારણે રસ્તાઓ પર પાણી ભરાયા છે. તો શહેરીજનો વરસાદથી બફરાથી રાહત મળી છે