ગુજરાતમાં સૌરાષ્ટ્રમાં ઠેરઠેર વરસી રહેલા વરસાદને પગલે ખેડૂતોમાં ચિંતાનો માહૌલ જોવ મળી રહ્યો છે. પોરબંદર અને અમરેલીમાં ધોધમાર વરસાદ શરૂ થઈ ગયો છે જેને પગલે કેટલાક વિસ્તારોમાં પાણી પણ ભરાયા છે.
પોરબંદરમાં અડધો કલાકથી પડી રહ્યો છે વરસાદ
અમરેલીમાં વરસાદથી બજારોમાં પાણી વહેતા થયા
વરસાદથી ખેડૂતોની ચિંતા વધી
ગુજરાતમાં ઠેરઠેર વરસાદની આગાહીને પગલે દિવાળી બગડવાનો ફફડાટ તો છે જ પણ આજે સૌરાષ્ટ્રના પોરબંદર અને અમરેલીમાં ધોધમાર વરસાદ ઉભા પાકને તારાજ કરી રહ્યો છે ત્યારે ખેડૂતોને દિવાળી હોળી જેવી આકરી લાગી રહી છે.
અમરેલી જિલ્લામાં કમોસમી વરસાદ
અમરેલી જિલ્લામાં કમોસમી વરસાદ પડ્યો છે. સાવરકુંડલાથી- રાજુલા વચ્ચે ધોધમાર વરસાદ પડ્યો છે. તો બાઢડા ગામથી આંબરડી સુધી ધોધમાર વરસાદ પડ્યો છે. કમોસમી વરસાદના કારણે પાકને નુકસાન પહોંચવાની ભીતિ સેવાઇ રહી છે.
પોરબંદરમાં ધોધમાર વરસાદ
પોરબંદરમાં વાદળછાયા વાતાવરણ વચ્ચે વરસાદ શરૂ થઈ ગયો છે. માધવપુરમાં અડધા કલાકથી સતત વરસાદ વરસી રહ્યો છે. વરસાદ થતા બજારોમાં પાણી ભરાયા છે.
વરસાદી પાણીથી પાકને નુકસાનની ભીતિ સેવાઈ રહી છે.