મેઘ મહેર / રાજ્યભરમાં વરસાદનું દે ધના ધન, છેલ્લા 24 કલાકમાં 187 તાલુકામાં જાણો કેટલો પડ્યો વરસાદ

• ગુજરાતના 187 તાલુકાઓમાં છેલ્લા એક દિવસમાં વરસાદ
• સૌથી વધુ કપરાડામાં સાડા છ ઈંચ વરસાદ
• દક્ષિણ ગુજરાતના અન્ય વિસ્તારોમાં પણ સારો વરસાદ

છેલ્લા એક દિવસની વાત કરીએ તો રાજ્યના 187 તાલુકામાં વરસાદ વરસ્યો છે. જેમાં સૌથી વધારે વલસાડના કપરાડામાં 6.5 ઇંચ વરસાદ ખાબક્યો છે. જ્યારે ઉંઝામાં 4.5 ઇંચ, વઘઇમાં 4 ઇંચ વરસાદ વરસ્યો છે. સૌરાષ્ટ્ર, મધ્ય અને ઉત્તર ગુજરાતમાં પણ સારો વરસાદ થયો છે. 

સુરતમાં ભારે વરસાદથી કિમ નદીમાં પૂરની સ્થિતિ

સુરતમાં ભારે વરસાદથી કિમ નદીમાં પૂરની સ્થિતિ સર્જાઇ છે. કિમ નદીનું પાણી કઠોદરા ગામ વિસ્તારમાં ફરી વળ્યું છે. નદીના પાણી સોસાયટીઓમાં ફરી વળ્યાં છે. કોસંબાની ત્રણ જેટલી સોસાયટીમાં પાણી ભરાયા છે. સોસાયટીઓમાં પાણી ભરાતા લોકોને ભારે હાલાકીનો સામનો કરવાનો વારો આવ્યો છે.

સૌરાષ્ટ્રના અનેક વિસ્તારોમાં ભારે વરસાદ

ઉત્તર ભારતની જેમ ગુજરાતમાં પણ વરસાદી આંધી છે. સૌરાષ્ટ્રના અનેક વિસ્તારોમાં ભારે વરસાદને કારણે જળબંબાકાર થયો છે. આવામાં એક દ્વારકાના હડમતીયા ગામની નદીમાં ભારે પૂર આવ્યું અને આ પૂરમાં 3 લોકો તણાયા. 

દિલ્હી અને જયપુરના પણ હાલ બેહાલ 

તો તરફ દિલ્લી અને જયપુરમાં ભારે વરસાદને કારણે ચારેકરો જળબંબાકાર થયો છે. આવી સ્થિતિમાં જયપુરના અનેક વિસ્તારોમાં પાણી ફરી વળ્યા છે અને વરસાદી આફત તૂટી પડી છે. શહેરમાં આભ ફાટ્યું હોય તેમ પાણી પાણી છવાઈ ગયું અને ચારેકોર પાણીનો દરિયો વહેવા લાગ્યો.