રાજ્યભરમાં થયેલા ભારે વરસાદથી ખેતીને મોટો ફાયદો થયો છે. ખરીફ પાકનું આ વર્ષે 85.29 લાખ હેક્ટર વાવેતર થયું છે. જે ગત વર્ષ કરતાં 3.44 લાખ હેક્ટર વધુ છે. જેને લઇને વાવેતર વધતાં ખેડૂતોમાં ખુશીની લહેર જોવા મળી છે.
ભારે વરસાદથી ખેતીને થયો મોટો ફાયદો
રાજ્યમાં રેકોર્ડબ્રેક 121 ટકા વરસાદ નોંધાયો
આગામી 19થી 22 સપ્ટેમ્બર સુધી ભારે વરસાદની આગાહી
રાજ્યમાં સારા વરસાદથી વિવિધ પાકના ઉત્પાદનમાં વધારો
સારા વરસાદથી કપાસ, મગફળી, તલ, એરંડાનું મોટું વાવેતર થયું છે. આમ સારા વરસાદથી રાજ્યભરના ખેડૂતોને મગફળીના ઉત્પાદનમાં મોટો ફાયદો થશે. ગત વર્ષની સરખામણીએ તલનું વાવેતર વધ્યું છે.
કપાસ-મગફળીમાં વાવેતર વધ્યું
જ્યારે કપાસનું વાવેતર 26.67 લાખ હેક્ટર થયું છે. બીજી તરફ મગફળીનું વાવેતર 15 લાખ હેક્ટર થયું છે. રાજ્યમાં તુવેર અને કઠોળના વાવેતરમાં પણ વધારો થયો છે. ભારે વરસાદથી ડાંગરનું માતબર ઉત્પાદન થવાની સંભાવના છે. રાજ્યમાં તમામ તાલુકામાં ભારે વરસાદથી ખેડૂતો ખુશ છે.
રાજ્યમાં રેકોર્ડબ્રેક 121 ટકા વરસાદ નોંધાયો
ગુજરાતમાં રેકોર્ડ બ્રેક વરસાદ નોંધાયો છે. જે 121 ટકા વરસાદ થયો છે. રાજ્યના 78 તાલુકામાં 50થી 150 ઇંચ જેટલો જ્યારે 149 તાલુકામાં 20થી 40 ઇંચ જેટલો વરસાદ પડ્યો છે. વલસાડના કપરાડામાં 150 ઇંચ જેટલો વરસાદ નોંધાયો છે. મહેસાણામાં 83 ટકા સાથે સૌથી ઓછો વરસાદ નોંધાયો છે. અમદાવાદમાં સિઝનનો 92 ટકા વરસાદ નોંધાયો છે.
રાજ્યમાં 19થી 22 સપ્ટેમ્બર સુધી ભારે વરસાદની આગાહી
રાજ્યના કેટલાક જિલ્લાઓમાં ભારે વરસાદની આગાહી આપવામાં આવી છે. જેમાં આગામી 19થી 22 સપ્ટેમ્બર સુધી વરસાદની આગાહી આપવામાં આવ્યાં છે. જેમાં દક્ષિણ ગુજરાત, સૌરાષ્ટ્રમાં વરસાદની આગાહી કરવામાં આવી છે. અમદાવાદમાં પણ સામાન્ય વરસાદની આગાહી કરવામાં આવી છે.