Friday, July 19, 2019
સબસ્ક્રાઈબ કરો VTVGujarati ન્યુઝ Whatsapp

ચોમાસુ / 24 કલાકમાં રાજ્યના 70 તાલુકામાં અનરાધાર, 29 જુલાઈએ અહીં આગાહી

 24 કલાકમાં રાજ્યના 70 તાલુકામાં અનરાધાર, 29 જુલાઈએ અહીં આગાહી

રાજ્યમાં ધીમે ધીમે ચોમાસું જામતું જઈ રહ્યું છે. છેલ્લા 24 કલાકમાં 70 તાલુકાઓમાં વરસાદ વરસ્યો છે. જેમાં વધુ જાંબુઘોડા અને અમરેલીમાં વરસાદ વરસ્યો છે. જ્યારે હજુ ભારે વરસાદની હવામાન વિભાગે આગાહી કરી છે.

સૌરાષ્ટ્રમાં પણ ધીમે ધીમે ચોમાસું જામતું જઈ રહ્યું છે. જ્યારે જાંબુઘોડા અને અમરેલીમાં 3-3 ઈંચ વરસાદ વરસ્યો છે. વરસાદ આવતા અનેક વિસ્તારોમાં પાણી ભરાવવાની પણ ઘટનાઓ સામે આવી છે. છેલ્લા 24 કલાકમાં અમરેલીમાં 3 ઈંચ, ઉનામાં અઢી ઈંચ, પાલીતાણામાં અઢી ઈંચ, સાવરકુંડલામાં સવા બે ઈંચ, વઘઈમાં પોણા બે ઈંચ, વિસાવદરમાં પોણા બે ઈંચ, ધાનપુરમાં પોણા બે ઈંચ, ઉમરપાડામાં દોઢ ઈંચ, ડભોઈમાં સવા ઈંચ વરસ્યો છે.

Image result for વરસાદ vtv

ક્યાં કેટલો વરસાદ:

  • જાંબુઘોડા - 3 ઈંચ
  • અમરેલી - 3 ઈંચ
  • ઉના - 2.5 ઈંચ
  • પાલીતાણા - 2.5 ઈંચ
  • સાવરકુંડલા - 2.25 ઈંચ 
  • વઘઈ - 1.75 ઈંચ
  • વિસાવદર - 1.75 ઈંચ
  • ધાનપુર - 1.75 ઈંચ
  • ઉમરપાડા - 1.5 ઈંચ
  • બેચરાજી - 1.5 ઈંચ
  • ડભોઈ - 1.25 ઈંચ
  • કાલાવડ - 1.25 ઈંચ

ગોંડલના મોટાભાગના ગામડાઓમાં એક ઇંચથી માંડી 8 ઇંચ જેટલો વરસાદ:

ગોંડલ તાલુકાના મોટાભાગના ગામડાઓમાં એક ઇંચથી માંડી 8 ઇંચ જેટલો વરસાદ નોંધાયો હતો. ગોંડલના દેરડીકુંભાજી, મોટીખિલોરી, રાણસિકી, વીંઝીવડ અને નાના સખપુર સહિતના સીમ વિસ્તારમાં દોઢ કલાકમાં 7થી 8 ઇંચ વરસાદ પડતા ખેતરોનું ધોવાણ થયું છે. તેમજ ખેતરોના પાળા તૂટતા ખેડૂતોને ભારે નુકસાન પહોંચ્યું છે. આ વિસ્તારમાં આભ ફાટ્યું હોય તેમ મુશળધાર વરસાદ પડ્યો હતો. આ વિસ્તારમાં ત્રણ વર્ષ પહેલા આવેલા પૂરહોનારતની યાદે ફરી તાજી થઇ હતી.

રાણસિકીની સીમમાં નદીમાં આવેલું ઘોડાપૂર

રાજકોટ જિલ્લામાં અનરાધાર: 

રાજકોટ જિલ્લામાં છેલ્લા 24 કલાકમાં અનરાધાર વરસાદ વરસ્યો. જેમાં સૌથી વધુ ગોંડલ તાલુકામાં 5.5 ઈંચ વરસાદ વરસ્યો છે. તો ધોરાજીમાં 4 ઈંચ, લોધિકામાં સાડા ત્રણ ઈંચ, ઉપલેટામાં 3 ઈંચ, કોટડામાં બે ઈંચ વરસાદ વરસ્યો છે. તો પડધરી, રાજકોટ તાલુકામાં અને જામ કંડોરણામાં પોણા બે ઈંચ વરસાદ વરસ્યો છે. તો બીજી તરફ વિંછીયા અને જસદણમાં દોઢ ઈંચ જ્યારે જેતપુરમાં એક ઈંચ વરસાદ વરસ્યો છે. જેના કારણે ખેડૂતોમાં ખુશીનો માહોલ છવાઈ ગયો છે.

હવામાન વિભાગની આગાહી:

હવામાન વિભાગે આગાહી કરી છે કે, દક્ષિણ ગુજરાતમાં ભારે વરસાદ પડી શકે છે. હવામાન વિભાગની આગાહી મુજબ, દક્ષિણ ગુજરાતમાં ભારે વરસાદનું અનુમાન છે. દક્ષિણ સૌરાષ્ટ્ર અને મધ્ય ગુજરાતમાં પણ પ્રિમોન્સૂનની એક્ટિવિટી જોવા મળશે. તો મધ્ય ગુજરાતમાં સામાન્ય વરસાદ પડે તેવું અનુમાન છે. જ્યારે ઉત્તર ગુજરાતમાં 29 જૂનથી 2 જુલાઈ સુધી ભારે વરસાદની આગાહી છે. જો અમદાવાદની વાત કરવામાં આવે તો અમદાવાદમાં 2 દિવસ સુધી સામાન્ય વરસાદની આગાહી છે.


 

જોવા જેવું વધુ જુઓ

બ્રેકિંગ ન્યૂઝ