ચોમાસુ / અમદાવાદ સહિત સમગ્ર ગુજરાતમાં વરસાદી માહોલ, આ વિસ્તારોમાં ભારે વરસાદની આગાહી

અમદાવાદ:

અમદાવાદ જિલ્લામાં ફરી એક વાર અચાનક વાતાવરણમાં પલ્ટો આવતા મેઘરાજાનુ આગમન થયુ છે. અમદાવાદના રાયપુર, ખાડિયા, નરોડા, હિરાવાડી, બાપુનગર, કાલુપુર, ગીતા મંદિર, વાસણા, નહેરુનગર, શિવરંજની, વસ્ત્રાપુર, ગુરુકુળ સહિત લગભગ શહેરના તમામ વિસ્તારમાં વરસાદ ભારે પવન સાથે ધીમી ધારે ઝરમર ઝરમર વરસાદની શરૂઆત થતાં વાતાવરણાં ઠંડક પ્રસરી છે.

ગીર-સોમનાથ:

ગીર-સોમનાથમાં દિવસ ભરના ભારે બફારા બાદ અચાનક વાતાવરણમાં પલ્ટો આવતા વરસાદનું આગમન થયુ છે. ઉના સહિતના તમામ વિસ્તારોમાં વરસાદ પડતા વાતાવરણમાં ઠંડક પરસરતા લોકોને ગરમીથી રાહત મળી છે. તો બીજૂ બાજુ ટાઈમસર વરસાદ પડતા ધરતીપુત્રોમાં આનદની લાગણી જોવા મળી રહી છે.

અમરેલી:

અમરેલી જિલ્લામાં ફરી એક વાર અચાનક વાતાવરણમાં પલ્ટો આવતા મેઘરાજાનુ આગમન થયુ છે. અમરેલીના લાઠી ગામ સહિતના તમામ ગોમોમાં વરસાદ ખાબકયો છે. ભારે પવન સાથે વરસાદ પડતા વાતાવરણાં ઠંડર પ્રસરતા લોકોને ગરમીથી રાહત મળી છે.

સુરત:

સુરત શહેરમાં અચાનક વાતાવરણમાં પલ્ટો આવ્યો છે. વહેલી સવારથી અચાનક વાતાવરણમાં પલ્ટો આવતા શહેરમાં ધીમી ધારે વરસાદનું આગમન થયું છે. સમગ્ર શહેરમાં વરસાદ પડતા વાતાવરણમાં ઠંડક પ્રસરી છે. જેથી સુરત વાસીઓને ગરમીથી રાહત રાહત મળી છે.

હવામાન વિભાગની અગાહી:

રાજયમાં ચોમાસાની શરૂઆત થયાની સાથે રાજ્યના તમામ તાલુકામાં વરસાદ આગમન થયુ છે. અત્યાર સુધી રાજયના 147 તાલુકામાં વરસાદ ખાબક્યો છે. જ્યારે ગુજરાત પર સાઇક્લોનિક સરક્યુલેસનની અસર સર્જાઈ છે. જેના પગલે બે દિવસ સુધી ભારે વરસાદની હવામાન વિભાગે અગાહી કરી છે.

હવામાન વિભાગ દ્વારા ભરૂચ, નર્મદા, કાપી, જામનગર, પોરબંદર, સૌરાષ્ટ્ર, કચ્છ સહિતના વિસ્તારોમાં ભારે વરસાદની આગાહી કરવામાં આવી છે. સાથો સાથ મુંબઈમાં પણ ભારેથી અતિભારે વરસાદ પડે તેવી શક્યતા છે. તો વરસાદ થતા રાજ્યના અનેક જિલ્લાઓમાં લોકોને ગરમીથી આંશિક રાહત મળશે.