ગીરમાં મૂશળધાર વરસાદથી હીરણ નદી બે કાંઠ મચ્છુદ્રી ડેમ ઓવરફ્લો 17 ગામોને કરાયા અલર્ટ

ગીરઃ સૌરાષ્ટ્રમાં પણ વરસાદે ધમાકેદાર એન્ટ્રી કરી છે. ગીર-સોમનાથમાં છેલ્લા 3 દિવસમાં સારો વરસાદ પડ્યો છે. ત્યારે ગીર-સોમનાથ જિલ્લાના મોટાભાગના તાલુકામાં ભારે વરસાદ નોંધાયો છે. ઉના સોમનાથ કોડીનાર વેરાવળ સૂત્રાપાડા તાલાળા અને પ્રભાસ પાટણમાં ધોધમાર વરસાદ વરસી રહ્યો છે. તો કોડીનારના આલિદર ગામમાં ભારે વરસાદ વરસ્યો છે. જ્યારે આ તરફ કેન્દ્રશાસિત પ્રદેશ દિવમાં પણ વરસાદી માહોલ જામ્યો છે.

મૂશળધાર વરસાદથી હીરણ નદી બે કાંઠે
ગીર-સોમનાથ અને જૂનાગઢ પંથકમાં ભારે વરસાદ વરસી રહ્યો છે. જેના કારણે ગીરના જંગલોમાંથી વહેતી હીરણ નદીએ રૌદ્ર સ્વરૂપ ધારણ કર્યું છે. હીરણ નદીમાં ઘોડાપૂર આવ્યું છે. જેના કારણે નદી બે કાંઠે વહી રહી છે. તો ગીરના જંગલમાં હીરણ નદીમાં ખરખર વહેતા પાણીના કારણે કુદરતી સૌંદર્ય પણ સોળે કળાએ ખીલી ઉઠ્યું છે. તો સહેલાણીઓ અને આસપાસના વિસ્તારના લોકો પૂર જોવા માટે ઉમટી પડ્યા હતા.



ભારે વરસાદ બાદ મચ્છુન્દ્રી ડેમ ઓવરફ્લો
ગીર-સોમનાથમાં થઈ રહેલા ભારે વરસાદના કારણે ઉનાનો મચ્છુંદ્રી ડેમ પણ ઓવરફ્લો થયો છે. મચ્છુંદ્રી ડેમ ઓવરફ્લો થતાં મચ્છુંન્દ્રી નદીમાં પાણી છોડવામાં આવ્યું છે. સાથે જ નીચાણવાળા વિસ્તારોમાં રહેતા લોકોને એલર્ટ કરી દેવામાં આવ્યા છે. નદી કિનારે આશરે 17 જેટલા ગામ આવે છે જેને એલર્ટ કરી દેવાયા છે.

ઉના સોમનાથ કોડીનાર વેરાવળમાં વરસાદ
આ તરફ સૌરાષ્ટ્રમાં પણ વરસાદે ધમાકેદાર એન્ટ્રી કરી છે. ગીર-સોમનાથમાં છેલ્લા 3 દિવસમાં સારો વરસાદ પડ્યો છે. ત્યારે ગીર-સોમનાથ જિલ્લાના મોટાભાગના તાલુકામાં ભારે વરસાદ નોંધાયો છે. ઉના સોમનાથ કોડીનાર વેરાવળ સૂત્રાપાડા તાલાળા અને પ્રભાસ પાટણમાં ધોધમાર વરસાદ વરસી રહ્યો છે.