મધ્યપ્રદેશની રાજધાની ભોપાલમાં શનિવારે દિવસભર વરસાદ થવાના કારણે જળાશયો છલોછલ ભરાઈ ગયા હતા. હવામાન વિભાગના અનુસાર શનિવારે ભોપાલમાં એક જ દિવસમાં 42 મીલિમીટર વરસાદ નોંધાયો હતો. શુક્રવારે સાંજથી વરસાદ શરૂ થયો હતો જે શનિવાર સુધી ચાલ્યો. સતત વરસાદના કારણે ભોપાલનું તાપમાન 4 ડિગ્રી ઘટ્યું હતું.
37 જિલ્લામાં આપવામાં આવ્યું વરસાદનું એલર્ટ
મધ્યપ્રદેશમાં એકવાર ફરી મોનસૂન સક્રિય થયું છે. હવામાન વિભાગના આધારે આવનારા 24 કલાકમાં હોશંગાબાગ, બૈતૂલ, બડવાની, અલીરાજપુર, ટીકમગઢ, દમોહ, છતરપુર, દતિયા, નીમચ, શિવપુરી, અશોકનગર, ભિંડ, જબલપુર, નરસિંહપુર, રીવા, સતના, સિંગરૌલી, ભોપાલ, રાયસેન, ઉજ્જૈન, રાજગઢ, સીહોર, વિદિશા, રતલામ, મંદસૌર, ઈદોર, ઘાર, ઝાબુઆ, ખંડવા વગેરે સ્થળોએ ભારે વરસાદ થઈ શકે છે.
