રાજ્યભરમાં છેલ્લા 24 કલાકથી સાર્વત્રિક વરસાદ વરસી રહ્યો છે. રાજયના અનેક જિલ્લામાં ભારે વરસાદના પગલે જનજીવન અસ્તવ્યસ્ત જોવા મળી રહ્યું છે. આ સાથે આગામી 36 કલાકમાં ભારે વરસાદ થવાની પૂર્ણ સંભાવના છે જ્યારે સૌરાષ્ટ્ર અને ઉતર ગુજરાતના અનેક જિલ્લાઓમાં અતિભારે વરસાદની આગાહી છે.
સૌરાષ્ટ્રમાં રાજકોટ, જુનાગઢ અને ભાવનગરમાં ધોધમાર વરસાદ પડશે
હવામાન વિષયક વેબસાઈ વિન્ડી અને સ્કાયમેટના કહેવા મુજબ સૌરાષ્ટ્રના રાજકોટ, જુનાગઢ, ભાવનગર અને સુરેન્દ્રનગર જિલ્લામાં આવનાર 36 કલાકમાં ભારે વરસાદ થવાની સંભાવના છે. જ્યારે ભાવનગર અને રાજકોટમાં અતિભારે વરસાદ થઈ શકે છે. રાજ્યસરકારે સાવચેતી રૂપે NDRFની ટીમોને પણ આ જિલ્લાઓમાં મોકલી છે.
ઉતરગુજરાતમાં મહેસાણા અને બનાસકાંઠા જળબંબાકાર થશે
વિન્ડી અને સ્કાયમેટના કહેવા મુજબ ઉતરગુજરાતમાં મહેસાણા, બનાસકાંઠા, પાટણ અને સાબરકાંઠાના અમુક ભાગમાં ભારે વરસાદની આગાહી છે. જ્યારે પાટણ અને મહેસાણાં અતિભારે વરસાદ પડી શકે છે.
અમદાવાદમાં રવિવારે ભારે વરસાદ પડી શકે
અમદાવાદમાં ગત રાતે પડેલાં વરસાદ બાદ શનિવાર અને રવિવારે ભારે વરસાદ થવાની પૂર્ણ સંભાવના છે. જ્યારે કોર્પોરેશને સાવચેતીના ભાગ રૂપે અંડર પાસ બંધ કર્યા છે. આ ઉપરાંત અનેક લોકોને ખસેડવાની કામગીરી ચાલી રહી છે.