અમદાવાદ સહિત રાજ્યમાં ભાદરવો ભરપૂર છે. વરસાદે પોતાની અમીદ્રષ્ટી ચાલુ રાખી છે. અમદાવાદમાં ગઈકાલ મોડી રાતથી ભારે વરસાદ શરૂ થયો હતો જેને પગલે ફ્કત થોડાક જ કલાકોમાં 2 ઈંચથી વધુ વરસાદ નોંધાયો હતો. રવિવારથી શરૂ થઈ રહેલી નવરાત્રીમાં GMDC ગ્રાઉન્ડમાં વરસાદને પગલે પાણી ભરાઈ જતા આયોજકો અને ખૈલયાઓ બંને ચિંતામાં છે.
GMDC ગ્રાઉન્ડમાં ભરાયા પાણી આયોજકોની ચિંતા વધી
પાંચમા નોરતા સુધી આવશે વરસાદ
સમગ્ર રાજ્યમાં છે પાછોતરો વરસાદ
અમદાવાદમાં ગુરૂવારે રાત દરમિયાન અવિરત વરસાદ વરસ્યો હતો. શહેરમાં સરેરાશ 2 ઈંચ વરસાદ નોંધાયો છે. વાઈબ્રન્ટ નવરાત્રી શરૂ થાય એ પહેલા જ GMDC ગ્રાઉન્ડમાં પાણી ફરી વળ્યા હતા. GMDC મેદાનમાં હાલ વરસાદના પાણી ભરાઈ ગયા છે.
વાઈબ્રન્ટ નવરાત્રી ઉજવાતા GMDC ગ્રાઉન્ડમાં ભરાયા પાણી
રવિવારે શરૂ થતી નવરાતરને પગલે હાલ GMDC ગ્રાઉન્ડમાં તડામાર તૈયારીઓ ચાલુ હતી અને આખરી ઓપ અપાઈ રહ્યો હતો ત્યારે વરસાદે આયોજકોની ચિંતા વધારી મૂકી છે કેમ કે હજુ પાંચમા નોરતા સુધી વરસાદની આગાહી છે અને ગઈકાલે વરસેલા વરસાદને પગલે સમગ્ર GMDC ગ્રાઉન્ડમાં પાણી ભરાયા છે અને સ્ટોલ, ગરબા રમવાનો એરિયા, એક્સિબિશન ફુડ કોર્નર, તમામ જગ્યાએ વરસાદી પાણી ભરાઈ ગયા છે. પાણી ભરાતા આયોજકો અને ખૈલેયાને ચિંતા વધી ગઈ છે.
રાતે ભારે વરસાદને કારણે સવારે ઠેર ઠેર ભરાયા પાણી
શહેરમાં વિવિધ 7 જગ્યાઓ પર ઝાડ પડી ગયા હતા. અને વરસાદ થતા નીચાણવાળા વિસ્તારોમાં પાણી ભરાઈ જવાને કારણે શુક્રવારે સવારે અનેક નોકરિયાતોને રસ્તા બદલી બદલીને ઓફિસ પહોંચવું પડ્યુ હતુ. તેમજ વિદ્યાર્થીઓને શાળા કોલેજ જવામાં હાલાકી ભોગવવી પડી હતી
હવામાન વિભાગની આગાહી
અમદાવાદ સહિત રાજ્યભરમાં આગામી 3જી ઓક્ટોબર સુધીના દિવસોમાં ભારેથી અતીભારે વરસાદની હવામાન ખાતાએ આગાહી કરી છે. દરિયામાં સર્જાએલ દબાણને કારણે વાવાઝોડા સાથે વરસાદ પડશે તેવી હવામાન ખાતાએ આગાહી કરી છે.