અમદાવાદમાં મોડીરાતથી ચાલૂ થયેલ મૂશળધાર વરસાદના કારણે શહેરમાં અનેક વિસ્તારો પાણીમાં ગરકાવ જોવા મળ્યાં છે. શહેરના અસારવા, મેઘાણીનગર, નરોડામાં ભારે વરસાદના કારણે ઠેર ઠેર પાણી ભરાયાં છે.
જ્યારે પશ્ચિમ વિસ્તારની વાત કરીએ તો બોડકદેવ, ગોતા, વસ્ત્રાપુર, સિંધુભવન, સાયન્સ સીટી, ઘાટલોડીયા સહિત અનેક વિસ્તારોમાં પાણી ભરાયાં છે. જ્યારે શહેરમાં અનેક જગ્યાએ વૃક્ષો ધરાશયી થયાના અહેવાલ પ્રાપ્ત થઇ રહ્યાં છે. જ્યારે અમદાવાદમાં રાતથી પડી રહેલા મૂશળધાર વરસાદના કારણે શહેરના 4 અંડરબ્રિજ બંધ કરી દેવામાં આવ્યાં છે.
રાજ્યભરમાં ભારે વરસાદની સ્થિતિના પગલે અમદાવાદ શહેર જળબંબાકાર જોવા મળ્યું છે. જો કે હવામાન વિભાગ દ્વારા હજી પણ આગામી 36 કલાક ભારે વરસાદની આગાહી કરી છે. અમદાવાદ શહેરમાં સર્વત્ર વરસાદ થતાં અનેક વિસ્તારો પાણીમાં ગરકાવ જોવા મળી રહ્યાં છે.
અમદાવાદ શહેરના પશ્ચિમ વિસ્તારના બોડકદેવ, એસજી હાઇ, પકવાન ચાર રસ્તા, વસ્ત્રાપુર, માનસી, શિવરંજની વિસ્તારમાં પાણી ભરાયાં છે. અમદાવાદ શહેરમાં આવેલી શાળાઓમાં રજાઓ જાહેર કરવામાં આવી છે.