જળબંબાકાર / રાજકોટમાં ધોધમાર વરસાદઃ હજુ ભારે વરસાદની આગાહી કરાતા વધુ NDRFની ટીમો કરાશે તૈનાત

રાજકોટમાં વિરામ બાદ ફરી વરસાદનું આગમન થયુ છે. હવામાન વિભાગની ભારે વરસાદની આગાહી બાદ ફરી શહેરમાં વરસાદ શરૂ થયો છે. નાના મૌવા, રેસકોર્સ, મવડી, કાલાવડ રોડ, યાજ્ઞિક રોડ સહિતના વિસ્તારમાં વરસાદ વરસ્યો છે. ભારે વરસાદ થતા નીચાણવાળા વિસ્તારમાં પાણી ભરાયા છે.

લક્ષ્મીનગરનુ ગરનાળુ થયું પાણીમાં ગરકાવ 

રાજકોટમાં ધોધમાર વરસાદ ખાબક્યો છે. રાજકોટમાં ફરી ભારે વરસાદ વરસતા ઠેર ઠેર પાણી ભરાયા હતા. તો લક્ષ્મીનગરનુ ગરનાળુ પણ પાણીમાં ગરકાવ થયું. જો કે ગરનાળામાં પાણી ભરાતા લોકોને હાલાકીનો સામનો કરવો પડ્યો.

રાજકોટમાં એક NDRF અને બે SDRFની ટીમ તૈનાત

રાજકોટ શહેરમાં સતત ધોધમાર વરસાદ વરસી રહ્યો છે. હવામાન વિભાગે બે દિવસ ભારે વરસાદની આગાહી કરી છે. ભારે વરસાદની આગાહીને પગલે વહીવટી તંત્ર અલર્ટ થયુ છે. આગાહીને પગલે શહેરમાં એક NDRF અને બે SDRFની ટીમ તૈનાત કરાઈ છે. કલેક્ટરે તમામ અધિકારીઓને અલર્ટ રહેવા માટે સૂચના પણ આપી છે. સાથે જ કર્મચારીઓને હેડક્વાર્ટર ન છોડવા માટેની સૂચના પણ અપાઈ છે. તમામ અધિકારીઓની બે દિવસ માટે રજાઓ રદ્દ કરવામાં આવી છે.

રાજકોટમાં ભારે વરસાદની આગાહી કરવામાં આવી છે. આ આગાહીના પગલે તમામ કર્મચારીઓની રજા રદ્દ કરવામાં આવી છે. હેડ કવાર્ટર નહીં છોડવા કલેક્ટરે આદેશ કર્યા હતા. સૌરાષ્ટ્રમાં 10 તારીખે ભારે વરસાદની આગાહી કરવામાં આવી છે.