હવામાન / 4 દિવસ ભારે વરસાદની આગાહી, રાજ્યમાં સાર્વત્રિક મેઘમહેર

સૌરાષ્ટ્ર અને દક્ષિણ ગુજરાતના જિલ્લાઓમાં નોંધપાત્ર વરસાદ રહેશે. રાજકોટ, મોરબી, જામનગર અને દ્વારકામાં વરસાદી માહોલ રહેશે. જ્યારે સુરેન્દ્રનગર, ભાવનગર, બોટા અને જૂનાગઢમાં વરસાદની આગાહી કરાઈ છે. તો દરીયાકાંઠાના જિલ્લાઓમાં દિવસભર વરસાદની શક્યતા છે. દક્ષિણ ગુજરાતમાં સુરત, નવસારી અને વલસાડમાં વરસાદ રહેશે. કચ્છના સરહદી અને કાંઠા વિસ્તારોમાં ભારે વરસાદની આગાહી કરવામાં આવી છે.

તો બપોરબાદ ઉત્તર અને મધ્યગુજરાતમાં પણ વરસાદની શક્યતા સેવાઈ રહી છે. આ ઉપરાંત અમદાવાદ અને ગાંધીનગરના વિસ્તારો પર ભારે વરસાદનું સંકટ સર્જાશે. તો સાબરકાંઠા, બનાસકાંઠા, મહેસાણા અને અરવલ્લીમાં વરસાદ રહેશે. અત્યાર સુધી ગુજરાતમાં 98 ટકા જેટલો વરસાદ વરસી ચૂક્યો છે. જેમાં દક્ષિણ ગુજરાતમાં 109 ટકા અને કચ્છમાં 119 ટકા વરસાદ નોંધાયો.

રાજ્યમાં સોમવારે 62 તાલુકામાં વરસાદ નોંધાયો છે. જેમાં સૌથી વધુ રાજકોટમાં 4 ઈંચ વરસાદ પડ્યો છે. રાજ્યમાં સિઝનનો અત્યાર સુધી કુલ 98.10 ટકા જેટલો વરસાદ ખાબક્યો છે. જ્યારે નવસારીના ચિખલીમા 2.5 ઈંચ વરસાદ વરસ્યો છે. તો જૂનાગઢ અને ટંકારામા 2-2 ઈંચ વરસાદ ખાબક્યો છે. જોડિયા અને ગણદેવીમા 2 ઈંચ વરસાદ નોંધાયો છે. મોરબી અને વંથલીમા 1.5 ઈંચ, વાંકાનેર અને જલાલપોર 1 ઈંચ, થાનગઢ અને નવસારીમા 1 ઈંચ, કલ્યાણપુર અને ખંભાળિયામા અડધો ઈંચ વરસાદ નોંધાયો છે.