રાજ્યમાં વરસાદને લઈને હવામાન વિભાગે આગાહી કરી છે. આગામી 5 દિવસ રાજ્યના અનેક જિલ્લામાં ભારે વરસાદની હવામાન વિભાગે આગાહી કરી છે. અપર એર સાયકલોન સિસ્ટમ સક્રિય થતા રાજ્યમાં સારો વરસાદ આવે તેવી હવામાન વિભાગે આગાહી કરી છે.
રાજ્યભરમા આજે વરસાદી સંકટ છે ત્યારે આ સંકટ યથાવત રહેવાની આગાહી કરવામાં આવી છે. હવામાન વિભાગે દક્ષિણ ગુજરાતમા અતિભારે વરસાદની આગાહી કરી છે. મધ્ય ગુજરાત અને સૌરાષ્ટ્રમાં પણ વરસાદની આગાહી કરવામાં આવી છે. હવામાન વિભાગના જણાવ્યા પ્રમાણે આણંદ, પંચમહાલ, છોટા ઉદેપુર, દાહોદમાં ભારે વરસાદ પડશે. નવસારી, સુરત, ભરૂચ, તાપી, વલસાડમાં ભારે વરસાદની સિસ્ટમ યથાવત રહેશે. અમદાવાદમાં પણ સામાન્ય વરસાદ રહશે.
હજુ પણ 5 દિવસ સુધી ગુજરાતભરમાં ભારે વરસાદની આગાહી
ગુજરાતના હવામાનને લઇને મોટા સમાચાર સામે આવ્યા છે. આગામી 5 દિવસ વરસાદનું સંકટ યથાવત છે. આગામી 24 કલાક ભારેથી અતિભારે વરસાદની આગાહી કરાઇ છે. જ્યારે આગામી 48 કલાકમાં ભારે વરસાદ પડી શકે છે. રાજ્યના અલગ-અલગ જિલ્લામાં ભારેથી અતિભારે વરસાદની આગાહી કરાઇ છે. નર્મદા, ભરૂચ, છોટાઉદેપુર, વલસાડ અને સુરતમાં ભારે વરસાદની આગાહી કરાઇ છે.
તો સૌરાષ્ટ્રમાં પણ ધોધમાર વરસાદ પડી શકે છે. જેમાં ભાવનગર, અમરેલી, ગીર, સોમનાથ, બોટાદમાં પણ ભારે વરસાદ પડી શકે છે. જેને લઇ માછીમારોને દરિયો ન ખેડવા સૂચના અપાઇ છે. આમ, હજુ વરસાદી સિસ્ટમ યથાવત રહેશે તેવી આગાહી હવામાન વિભાગે કરી છે.
મુંબઈમાં આગામી બે દિવસમાં થઈ શકે છે ભારે વરસાદ
મુંબઈમાં આગામી બે દિવસમાં ભારે વરસાદ થઈ શકે છે. હવામાન વિભાગનું માનીએ તો મુંબઈ પર લો-પ્રેશર સર્જાયું છે. જેના કારણે આગામી બે દિવસ ભારે વરસાદ થઈ શકે છે. જેમાં શનિવારે રાત્રે અને રવિવારે ભારે વરસાદ થાય તેવી શક્યતા છે.