આગામી પાંચ દિવસ સુધી મેઘરાજા ઘમરોળશે ગુજરાત, હવામાન વિભાગ દ્વારા ભારેથી અતિભારે વરસાદની કરવામાં આવી આગાહી
હવામાન વિભાગે વરસાદને લઇ કરી મોટી આગાહી
5 દિવસ ગુજરાતમાં અતિભારે વરસાદની આગાહી
સાયક્લોનિક સર્ક્યુલેશનને પગલે વરસાદની આગાહી
ગુજરાતમાં વરસાદી માહોલ જામ્યો છે. દક્ષિણથી લઇને ઉત્તર ગુજરાત સુધી મેઘરાજાએ મહેર કરી છે. ત્યારે ગુજરાત માટે આગામી પાંચ દિવસ ભારે રહેવાની હવામાન વિભાગે આગાહી કરી છે. જી હા, ગુજરાતમાં આગામી 5 દિવસ રાજ્યમાં અતિભારે વરસાદની આગાહી કરવામાં આવી છે. સાયક્લોનિક સકર્યુલેશનેન પગલે અતિભારે વરસાદની આગાહી કરવામાં આવી છે.
અહીં અતિભારે વરસાદની આગાહી
હવામાન વિભાગે દક્ષિણ ગુજરાતમાં આજે અતિભારે વરસાદની આગાહી કરવામાં આવી છે. નવસારી અને સુરતમાં અતિભારે વરસાદની આગાહી કરવામાં આવી છે. આ ઉપરાંત ડાંગ, વલસાડ, તાપીમાં ભારે વરસાદની આગાહી કરવામાં આવી છે. ગીર સોમનાથમાં અતિભારે વરસાદની આગાહી કરવામાં આવી છે. મહત્વનું છે કે આજે પણ દક્ષિણ ગુજરાતમાં વરસાદી માહોલ જોવા મળી રહ્યો છે. ડાંગમાં પ્રકૃતિ સોળે કળાએ ખીલી ઉઠી છે.
અહીં ભારે વરસાદની આગાહી
તો આ તરફ બનાસકાંઠા અને સાબરકાંઠામાં ભારે વરસાદની આગાહી કરવામાં આવી છે. આ ઉપરાંત પોરબંદર, અમરેલી, જૂનાગઢ, દ્વારકામાં ભારે વરસાદની આગાહી કરવામાં આવી છે. મહત્વનું છે કે ગઇકાલે રાત્રે બનાસકાંઠા જિલ્લાના દિયોદરમાં 24 કલાકમાં 8 ઇંચ વરસાદ આવ્યો હતો. જેને કારને સ્કૂલ કેમ્પસ, રોડ-રસ્તા પાણીમાં ગરકાવ થયા હતા. આ સાથે ડીસામાં પણ 5 ઇંચ જેટલો વરસાદ આવતા RTO ચાર રસ્તા પાસેની દુકાનમાં પાણી ભરાયાં છે. તો વળી સાબરકાંઠા જિલ્લામાં પણ ઉપરવાસમાં ભારે વરસાદને કારણે સાબરમતી નદીમાં નવા નીર આવ્યા છે.
અમદાવાદમાં કેવો હશે વરસાદ ?
અમદાવાદમાં એક બે દિવસે વરસાદનું એકાદ ઝાપટુ પડી જાય છે. હજી જોઇએ તેવો વરસાદ સતત પડી નથી રહ્યો. ત્યારે આગામી દિવસોમાં હવામાન વિભાગ દ્વારા અમદાવાદમાં તથા ગાંધીનગરમાં સામાન્ય વરસાદની આગાહી કરવામાં આવી છે.