ચેતવણી / મધ્યપ્રદેશ, મહારાષ્ટ્ર અને આંધ્રમાં ભારે વરસાદનું એલર્ટ, સ્કૂલ કોલેજો રહેશે આજે પણ બંધ

હવામાન વિભાગની આગાહી અનુસાર દરેક રાજ્યમાં સામાન્યથી ભારે વરસાદની સ્થિતિ કાયમ રહેશે. હવામાન વિભાગે મધ્યપ્રદેશમાં સોમવારે આવનારા 48 કલાક માટે રેડ એલર્ટ, ઓરેન્જ એલર્ટ અને યલો એલર્ટ જાહેર કર્યું છે. તો મહારાષ્ટ્ર અને આંધ્રમાં પણ લોકોને કામ વિના ઘરની બહાર ન નીકળવાની સૂચના આપવામાં આવી છે. 

ઈંદોર અને મહારાષ્ટ્રમાં પણ અપાઈ ચેતવણી
હવામાન વિભાગના અનુસાર છત્તીસગઢની આસપાસના ઓછા પ્રેશરની અસરના કારણે રાજ્યમાં વરસાદનો ક્રમ જળવાઈ રહ્યો છે. ઈંદોર અને આસપાસ થઈ રહેલા વરસાદના કારણે શિપ્રા નદીનું જળસ્તર વધી ગયું છે. ઉજજૈનમાં નદી કિનારાના અનેક મંદિરો જળમગ્ન થયા છે. મહારાષ્ટ્રમાં સાંગલીમાં કૃષ્ણા અને વરુણા નદીમાં પાણી વધી જવાના કારણે નીચાણવાળા વિસ્તારોના લોકો મુશ્કેલીમાં છે. તેઓને સુરક્ષિત સ્થાને ખસેડવામાં આવ્યા છે. ગોદાવરી નદી પરના ચાર બંધમાં પાણીનું સ્તર વધતાં પૂરની ચેતવણી આપવામાં આવી છે. 

જાણો ક્યાં અપાયું કયું એલર્ટ?
રેડ એલર્ટ એટલે કે ભારેથી અતિભારે વરસાદની આગાહી. જેમાં હરદા, હોશંગાબાદ, નીમચ, મંદસૌર, રાયસેન, નરસિંહપુર, સીહોર અને રતલામનો સમાવેશ થઈ રહ્યો છે. હરદામાં ભારે વરસાદના કારણે જેલ પરિસર ડૂબી ચૂક્યું છે. ઓરેન્જ એલર્ટ એટલે કે અતિભારે વરસાદની આગાહી. આ આગાહી બડવાી, દમોહ, દેવાસ, ધાર, ઈંદોર, રાજગઢ, વિદિશા, ઉજ્જૈન જિલ્લાને માટે આપવામાં આવી છે. અને યલો એલર્ટ એટલે ભારે વરસાદ. જેમાં ભોપાલ, આગર, અલીરાજપુર, અશોકનગર, બાલાઘાટ, બૈતૂલ, બુરહાનપુર, છિંદવાડા, ગુના, જબલપુર, ખંડવા, ખરગોન, મંડલા, શાહજહાંપુર, સાગર અને સિવની જિલ્લાનો સમાવેશ થઈ રહ્યો છે. આ જગ્યાઓએ આજે પણ ભારે વરસાદની શક્યતા છે. 

સોમવારે નોંધાયો આટલો વરસાદ
હવામાન વિભાગે લોકોને અપીલ કરી છે કે લોકો ઘરમાં જ રહે અને પાણી ભરાતી જગ્યાઓએ જવાનું ટાળે. રાજ્ય પોલિસે ડેમ, નદીઓ અને તળાવની પાસે લોકોની આવનજાવન પર રોક લગાવી છે. સોમવારે રાજધાનીમાં 140.14 મિલી મીટર, હોશંગાબાદમાં 88.4 મિલી મીટર, રાયસેનમાં 131.6 મિલી મીટર, સિવનીમાં 313.4 મિલી મીટર વરસાદ નોંધાયો છે. સોમવારથી ભોપાલનું ન્યૂનતમ તાપમાન 23.6 ડિગ્રી, ઈંદોરનું 23.2. ગ્વાલિયર 24.8 અને જબલપુરનું ન્યૂનતમ તાપમાન 24 ડિગ્રી સેલ્સિયસ નોંધાયું હતું.

ફોટો સૌજન્ય - Twitter.com