આજે રાજ્યમાં વરસાદની હવામાન વિભાગની આગાહી અનુસાર ઉત્તર ગુજરાતના કેટલાક વિસ્તારમાં ભારે વરસાદની પડ્યો હતો. તો અમદાવાદમાં પણ વરસાદ વરસ્યો છે. મહત્વનું છે કે હવામાન વિભાગ દ્વારા 17 જુલાઇએ રાજ્યમાંવરસાદની આગાહી કરવામાં આવી છે તો હવેથી રાજ્યમાં વરસાદનું જોર ઘટશે તેવી પણ શક્યતાઓ છે.
અમદાવાદમાં ભારે પવન સાથે વરસાદ
આવતીકાલે ભારે વરસાદની આગાહી
બનાસકાંઠા જિલ્લામાં પણ મેઘમહેર
અમદાવાદમાં રાત્રે ભારે પવન સાથે મેઘરાજાની એન્ટ્રી થઇ છે. અમદાવાદના પશ્ચિમ વિસ્તાર SG હાઈવે, બોપલ, જજિસ બંગલો, પ્રહલાદનગર, વસ્ત્રાપુર, સેટેલાઈટ વિસ્તાર, સોલા, ગોતા, ઘાટલોડિયા, વેજલપુર, શિવરંજની, વસ્ત્રાલ, ઓઢવ અને રબારી કોલોનીમાં વરસાદ પડ્યો છે. તો પૂર્વ વિસ્તાર નારોલ, ઈસનપુર, વટવા, ઘોડાસર, જશોદાનગર, રામોલ, સીટીએમ, ખોખરા, હાટકેશ્વર, અમરાઈવાડી, વસ્ત્રાલ, ઓઢવ, રખિયાલ, સરસપુર, ગોમતીપુર, નિકોલ અને નરોડા સહિતના વિસ્તારમાં પણ વરસાદ થયો છે.
બનાસકાંઠા જિલ્લામાં ભારે પવન સાથે વરસાદ
બનાસકાઠાં જિલ્લમાં સવારથી વરસાદી વાતાવરણ જામ્યું હતું. જિલ્લામાં ઠેર ઠેર વરસાદ વરસ્યો હતો. બનાસકાંઠામાં ભારે પવન સાથે વરસાદ ખાબક્યો હતો. ડીસા, પાલનપુર, લાખણી, અમીરગઢ, પાલનપુર અને વડગામ પંથકમાં ભારે પવન સાથે વરસાદ પડ્યો છે. વાવણી લાયક વરસાદ થતાં ખેડૂતોમાં ખુશીનો માહોલ જોવા મળ્યો છે.
રાજ્યમાં વરસાદનુ જોર ઘટશે!
હવેથી રાજ્યમાં વરસાદનુ જોર ઘટી શકે છે. રાજ્યમાં અત્યાર સુધી 35% વરસાદ થયો છે. આવતીકાલે રાજ્યમાં ભારે વરસાદની હવામાન વિભાગે આગાહી કરી છે. સૌરાષ્ટ્ર અને દક્ષિણ ગુજરાતમાં ધોધમાર વરસાદ પડી શકે છે. સૌરાષ્ટ્રના ભાવનગર, અમરેલી, રાજકોટ, સુરેન્દ્રનગર, સોમનાથ અને જૂનાગઢમાં ભારેથી અતિભારે વરસાદ પડી શકે છે. તો દક્ષિણ ગુજરાતના સુરત, તાપી, નવસારી અને વલસાડમાં પણ વરસાદની આગાહી કરવામાં આવી છે. સાથે દાદરા નગર હવેલી, દમણ, ડાંગ, નવસારીમાં વરસાદની આગાહી થઇ છે. તો તરફ ઉત્તર ગુજરાત, મધ્ય ગુજરાતમાં સામાન્ય વરસાદની આગાહી કરવામાં આવી છે. તો અમદાવાદમાં પણ હળવા વરસાદ વરસી શકે છે. હવામાન વિભાગ દ્વારા બે દિવસ માછીમારોને દરિયો ન ખેડવા સુચના આપવામાં આવી છે.
ધોરાજીનો ભાદર-2 ડેમ ઓવર ફલો
ધોરાજી ના ભૂખી ગામ પાસેનો ભાદર - 2 ડેમ ઓવરફલો થતાં તેના 2 ગેટ ખોલવામાં આવ્યાં છે. ઉપર વાસ વરસાદ ને કારણે ડેમમાં પાણી પુષ્કળ આવક થઈ છે. આ ડેમ ઓવરફ્લો થતાં ધોરાજી, ઉપલેટા,માણાવદર,કુતિયાણા સહિત ના 42 ગામોનું પીવાનું પાણી અને સિંચાઈ ના પાણીનો પ્રશ્ન ન હલ થઇ ગયો છે. ડેમ ઓવર્ફ્લો થતાં ડેમની નીચેના ભોળા, છાડવાવદર,સુપેડી સહિતના ભાદર ડેમ કાંઠા ના ગામોને એલર્ટ કરાયા છે અને નદી કિનારે ન જવા સૂચના અપાઇ છે.
મુંબઈમાં હજુ વરસશે વરસાદ
મુંબઈમાં ધોધમાર વરસાદના પગલે ઠેર ઠેર પાણી ભરાયા હતા. ભારે વરસાદના કારણે સાયન વિસ્તારમાં ગોઠણડૂબ પાણી ભરાયા હતા. જેના કારણે વાહનચાલકો પરેશાન થયા હતા. તો સ્થાનિક લોકોની પણ મુશ્કેલી વધી. ત્યારે મુંબઇમાં ભારે વરસાદની હવામાન વિભાગે આગાહી કરી છે. હવામાન વિભાગની આગાહી મુજબ 5થી 6 કલાક સુધી ભારે વરસાદ પડી શકે છે. છૂટાછવાયા વિસ્તારમાં વરસાદ આવી શકે છે.