હાલ ગુજરાતમાં સાર્વત્રિક વરસાદ વરસી રહ્યો છે. ત્યારે રાજ્યમાં વરસાદને લઇને હવામાન વિભાગે આગાહી કરી છે. રાજ્યમાં 2 વરસાદી સિસ્સટમ સક્રિય જોવા મળી રહી છે. ત્યારે આજે કચ્છ, ગીર-સોમનાથ મોરબી, પોરબંદર સહિત મધ્ય ગુજરાત અને ઉત્તર ગુજરાતમાં વરસાદની આગાહી કરી છે.
મધ્ય ગુજરાત અને ઉત્તર ગુજરાતમાં પણ આજે વરસાદની આગાહી
હાલ છેલ્લા થોડા દિવસથી રાજ્યમાં ચોમાસુ જામ્યુ છે. રાજ્યભરમાં સાર્વત્રિક વરસાદ વરસી રહ્યો છે. જેને લઇને જગતના તાતમાં ખુશીની લહેર જોવા મળી છે. રાજ્યમાં ચોમાસાએ જોર પકડતાં નદી-નાળા-ડેમમાં નવા નીર આવક જોવા મળી રહી છે.
આમ સતત વરસી રહેલા વરસાદથી રાજ્યના ડેમોની સપાટી વધતાં પીવાના પાણીનું સંકટ ધીરે-ધીરે ઘટી રહ્યું છે. જ્યારે વાવણી લાયક વરસાદ વરસતા ખેડૂતોમાં પણ ખુશીની લહેર જોવા મળી રહી છે. જો કે કેટલાંક જિલ્લામાં ભારે વરસાદ બાદ પરિસ્થિતિ વિકટ પણ જોવા મળી રહી છે.
જો કે હાલ ગુજરાતમાં 2 વરસાદી સિસ્ટમ સક્રિય જોવા મળી રહી છે. જેને લઇને આજરોજ કચ્છ, ગીર સોમનાથ, મોરબી, પોરબંદરમાં વરસાદની આગાહી આપવામાં આવી છે. આ સાથે ડાંગ, સુરત, ભરૂચ સહિત મધ્ય ગુજરાત અને ઉત્તર ગુજરાતમાં પણ આજે વરસાદની આગાહી કરવામાં આવી છે.
આજે કયાં વરસશે વરસાદ?
કચ્છ
ગીર-સોમનાથ
દ્વારકા
મોરબી
પોરબંદર
જામનગર
તાપી
વલસાડ
ડાંગ
સુરત
ભરૂચ
નર્મદા
છોટાઉદેપુર
મહિસાગર
દાહોદ
પંચમહાલ
વડોદરા
ખેડા
અરવલ્લી
ગાંધીનગર
સાબરકાંઠા
મહેસાણા
પાટણ
બનાસકાંઠા