ગુજરાતમાં હાલ છેલ્લા ઘણા દિવસથી સાર્વત્રિક વરસાદ વરસી રહ્યો છે. ત્યારે હવામાન વિભાગ દ્વારા રાજ્યની જનતા માટે સારા મળી રહ્યાં છે. હાલમાં વરસાદી સિસ્ટમ ગુજરાત પરથી ફંટાઇ ગઇ છે, જેના કારણે આગામી 29 ઓગસ્ટ સુધી વરસાદમાંથી રાહત મળશે.
રાજ્યમા વરસાદને લઇ હવામાન વિભાગની આગાહી
વરસાદી સિસ્ટમ ગુજરાત પરથી ફંટાઇ
29 ઓગસ્ટ બાદ રાજ્યમા ફરી ભારે વરસાદ આવે તેવી શક્યતા
રાજ્યભરમાં છેલ્લા ઘણા દિવસથી મેહુલિયો મન મુકીને વરસી રહ્યો છે. જેને લઇને રાજ્યમાં નદી-નાળા સહિત ડેમમાં નવા નીરની આવક જોવા મળી છે. રાજ્યમાં પડેલા ભારે વરસાદના પગલે ડેમ ઓવરફલો જોવા મળ્યાં છે.
જો કે હાલમાં પડી રહેલા વરસાદની વચ્ચે હવામાન વિભાગે રાજ્યની જનતા માટે રાહતના સમાચાર આપ્યાં છે. ગુજરાત પર સક્રિય થયેલી વરસાદી સિસ્ટમ ફંટાઇ જતાં રાજ્યમાં વરસાદની તીવ્રતા ઘટી ગઇ છે. જેને લઇને રાજ્યમાં હવે સામાન્ય વરસાદની વકી છે. જો કે 29 ઓગસ્ટ બાદ રાજ્યમાં ફરી વરસાદ આવે તેવી શક્યતા છે.