મુંબઇમાં મુશળધાર! આજથી ભારે વરસાદનું અલર્ટ રેકોર્ડ તોડ...

મુંબઈઃ શહેરમાં આજથી ભારે વરસાદનું એલર્ટ જાહેર કરાયું છે. મુંબઈમાં 8 9 અને 10 જૂને ભારે વરસાદ થઈ શકે છે. હવામાન વિભાગે આગાહી કરતાં જણાવ્યું કે આગામી મુંબઈમાં વરસાદ રેકોર્ડ તોડી શકે છે.

જેને ધ્યાને રાખીને NDRFની ટીમ તૈનાત કરી દેવાઈ છે. હવામાન વિભાગનું માનીએ તો કોંકણ અને ગોવા પર ચક્રવાત સર્જાતું દેખાઈ રહ્યું છે જે મહારાષ્ટ્રના તટો પર પહોંચશે. 

જેના કારણે મુંબઈ રત્નાગીરી દહાણુ થાણે અને સિંધુદુર્ગમાં ભારે વરસાદ વરસી શકે છે. તો આ ઉપરાંત 10 અને 11 જૂને સુરત અને વલસાડમાં ભારે વરસાદ પડી શકે છે. હવામાન વિભાગનું માનીએ તો આ ચક્રવાતના કારણે કેરળ અને કર્ણાટકમાં પણ વરસાદ થઈ શકે છે. 

તો બીજી બાજુ બંગાળની ખાડીમાં પણ લો-પ્રેશર સર્જાયું છે. જેના કારણે ઓડિશા પ.બંગાળ સિક્કીમ અસમ અને મેઘાલયમાં ભારેથી અતિભારે વરસાદ વરસી શકે છે.