IPLIN
 

મેઘમહેર / મોડી રાત્રે અમદાવાદના અનેક વિસ્તારમાં ગાજવીજ સાથે ધોધમાર વરસાદ

Team VTV 10:45 PM, 10 Jun 20 | Updated: 11:03 PM, 10 Jun 20
Follow us
Heavy rain Ahmedabad many areas Gujarat

રાજ્યમાં વરસાદી માહોલ જામ્યો છે. છેલ્લા 24 કલાકમાં રાજ્યના 59 તાલુકામાં વરસાદ પડ્યો છે. ક્યાંક ધીમીધારે તો ક્યાંક ધોધમાર વરસાદ વરસ્યો છે. ત્યારે મોડી રાત્રે અમદાવાદમાં તેજ પવન ફૂંકાયો હતો અને ધૂળની ડમરી ઉડી હતી. બાદમાં શહેરના કેટલાક વિસ્તારમાં ધીમીધારે વરસાદ પડ્યો હતો. પૂર્વ વિસ્તારમાં પણ ધીમી ધારે વરસાદ પડ્યો હતો.

  • અમદાવાદમાં ધોધમાર વરસાદ શરૂ 
  • વરસાદના પગલે વાતાવરણમાં પ્રસરી ઠંડક 
  • રાજ્યમાં અનેક વિસ્તારોમાં વરસાદ

હવામાન વિભાગની આગાહી અનુસાર, રાજ્યમાં સૌરાષ્ટ્રમાં ધમાકેદાર વરસાદ વરસી રહ્યો છે. ત્યારે આજે (બુધવાર) અમદાવાદ અને વડોદરામાં ગાજવીજ સાથે ધોધમાર વરસાદ વરસી રહ્યો છે. દિવસભર વાદળછાયા વાતાવરણ બાદ પલટો આવ્યો છે. અમદાવાદના સમગ્ર પૂર્વ વિસ્તાર અને પૂર્વમાં પણ વરસાદ ખાબક્યો છે. વરસાદના પગલે વાતાવરણમાં ઠંડક પ્રસરી છે.

અમદાવાદ શહેરના એલિસબ્રીજ, લાલ દરવાજા, જમાલપુર, અમરાઇવાડી, રામોલ, મણીનગર, દાણીલીમડા, ગોતા, ઓગણજ, સોલા, સત્તાધાર, શીલજ, એલિસબ્રિજ, નારોલ, બાપુનગર, વટવા, વસ્ત્રાલ, CTM, જશોદાનગર સહિતના વિસ્તારોમાં વરસાદ ખાબક્યો છે.

મહત્વનું છે કે, મહેસાણામાં 2 કલાકમાં 3 ઇંચ વરસાદ વરસી ગયો છે. મહેસાણાના ગોપીનાળા, ભમ્મરિયા નાળા ભરાયા છે. તો વડોદરામાં ગાજવીજ સાથે કેટલાક વિસ્તારમાં ધોધમાર વરસાદ ખાબક્યો છે. છાણી વિસ્તારમાં વીજળી ગુલ થઇ ગઇ છે.

rain in gujarat rain in ahmedabad gujarat વરસાદ અમદાવાદ ગુજરાત
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ