વરસાદ / અમદાવાદમાં દિવસે રાત જેવો માહોલ, પૂર્વ અને પશ્ચિમ વિસ્તારમાં ધોધમાર વરસાદ

• અમદાવાદ શહેરમાં ધોધમાર વરસાદ
• પૂર્વ અને પશ્ચિમ વિસ્તારમાં વરસાદ
• પશ્ચિમ વિસ્તારમાં દિવસે રાત જેવો માહોલ

અમદાવાદના મોટાભાગના વિસ્તારોમાં કાળા ડિબાંગ વાદળો સર્જાયા હતા. પશ્ચિમ વિસ્તારમાં દિવસે રાત જેવો માહોલ જોવા મળ્યો હતો. સમીસાંજે અંધારુ છવાયું હતું. ત્યારબાદ અમદાવાદ શહેરમાં પવન સાથે વરસાદ પડ્યો હતો. શહેરના પૂર્વ અને પશ્ચિમ વિસ્તારમાં ધોધમાર વરસાદ પડ્યો હતો. જોકે ભારે ગરમી બાદ વરસાદથી શહેરમાં ઠંડક પ્રસરી છે. તો શહેરના આસપાસના વિસ્તારોના ખેડૂતો ચિંતામાં મુકાયા છે.

અમદાવાદ શહેરના સરસપુર, માણેકબાગ, થલતેજ, સતાધાર, નવરંગપુરા, નારણપુરા, પ્રહાલદનગર, આનંદનગર, શિવરંજની, શ્યામ, એસ.જી હાઈવે, ગોતા, નારોલ, વટવા, વસ્ત્રાલ, ઇસનપુર, સીટીએમ, પંચવટી, પાલડી, ચાંદખેડા, સાબરમતી, મોટેરા, લાલ દરવાજા, આસ્ટોડિયા, જશોદાનગર અને કાલુપુર સહિતના વિસ્તારોમાં ધોધમાર વરસાદ પડ્યો હતો.