અમદાવાદ / વરસાદ બાદ ઠેર-ઠેર ભરાયાં પાણી, AMCના પ્રિમોન્સુન પ્લાનનો ધબડકો

ઉલ્લેખનીય છે કે, શહેરના પૂર્વમા સરસપુર, બાપુનગર, અમદુપુરામા પાણી ભરાયાના કોલ મળ્યા તો પશ્વિમમાં બોડકદેવ, અંબાવાડી, પાલડી, લો ગાર્ડન સહિતમાં વિસ્તારમાં પાણી ભરાયાની માહિતી મળી હતી. શહેરમાં પાણી ભરાતા અનેક જગ્યાએ વાહન ચાલકોએ હેરાન થવું પડ્યું હતું.

 વેજલપુર વિસ્તારમાં ઘૂંટણસમાં પાણી

અમદાવાદમાં સતત 4 કલાક સુધી વરસાદ વરસ્યો. જેને લઈને શહેરના વેજલપુર વિસ્તારમાં પાણી ભરાયા. તો શ્રીનંદનગર રોડ પર ઘૂંટણસમાં પાણી ભરાયા. જેને લઈને AMCનો ડ્રેનેજ લાઈન પાછળ કરવામાં આવેલો કરોડોનો ખર્ચો પાણીમાં ગયો હોય તેવુ લાગી રહ્યું છે.

કાલુપુર ચાર રસ્તા ભૂવો પડ્યો
અમદાવાદમાં પ્રથમ વરસાદે જ તંત્રની પોલ ખોલી દીધી છે..શહેરના કાલુપુર ચાર રસ્તા પર પ્રથમ વરસાદમાં જ ભૂવો પડ્યો છે. રોડ વચ્ચે મોટો ભુવો પડતાં વાહન ચાલકોને ભારે હાલાકીનો સામનો કરવાનો વારો આવ્યો છે. તો સતત ટ્રાફિકથી ધમધમતા કાલુપુર રોડ પર પડેલા ભુવાના કારણે ટ્રાફિકમાં વધારો થયો છે.